Sjálfstæðisflokkurinn og VG sigurvegarar. Hvað svo?

Sjálfstæðisflokkurinn og VG eru sigurvegarar þessarar kosninga. Okkar góði og skemmtilegi Ómar hefði átt að láta kyrrt liggja og ekki að bjóða fram ef hann vildi ná ætlunarverki sínu það er að fella ríkisstjórnina.  Frjálslyndir hefðu komið enn sterkar út hefði þessi klofningur milli Guðjóns og félaga og Margrétar Sverrisdóttur og hennar stuðningsmanna ekki orðið.

Svona eru nú mörg "hefði þetta og hefði hitt" fyrirbærin.  Aðdragandi kosninganna og allt það ferli er allt fullt af einstökum tilviljunum og ólíkum ákvörðunum ólíkra einstaklinga á ólíkum tímum. Þjóðfélagsdýnamíkin er í algleymingin einmitt nú.

Hins vegar sé ég fyrir mér að nú getur í sjálfu sér ýmislegt gerst hvað varðar ríkisstjórnarsamstarf. Sjálfstæðisflokkurinn hefur afburðagóða samningsstöðu en ætti ekki bíða lengi að mínu mati til að ganga frá þessum málum.  Það sem gerist núna er að hinir flokkarnir fara að hugsa um eigin hag og frama og er því mikil hætta á að fólk fari að mynda óformleg bandalög svona "in case" ef má orða það svo. 

Hugsunin um Framsókn, VG og Samfylkinguna í eina sæng er t.d. staða sem Sjálfstæðisflokkurinn yrði ekki hrifinn af. Áframhaldandi ríkisstjórnarsamstarf Sjálfsstæðisflokks og Framsóknar virðist heldur ekki líklegt til að gera sig sökum slæmra útkomu Framsóknar. Ef ríkisstjórnin heldur áfram í þeirri mynd sem hún hefur verið óttast ég að tíminn framundan gæti verið mjög erfiður fyrir alla aðila. Stjórnarandstaðan og margir í samfélaginu munu ekki linna látum og árásir og átök yrðu daglegt brauð.  Aðalatriðið er að Sjálfstæðisflokkurinn verði í ríkisstjórn og Geir H. Haarde verði  forsætisráðherra. Nú er bara að finna bestu mögulegu samsetninguna og því fyrr því betra.

Athugasemdir

[María Anna P Kristjánsdóttir, 13.5.2007 kl. 23:32]

Geir Haarde er í sterkri stöðu til að semja, en ef hann ætlar að halda áfram sama ríkisstjórnar samstarfi með framsókn, þá er ég hrædd um að sú ríkisstjórn sé dauðadæmd frá fyrsta degi.

[Inga Lára Helgadóttir, 14.5.2007 kl. 14:34]

ekki bara dauðadæmd eins og Anna María segir, heldur munu ekki margir hugsa ég verða sáttir við það...

[Haraldur Haraldsson, 14.5.2007 kl. 14:39]

Já Kolbrun eg er sammála þeim herna á undan,Eg vil ekki sömu stjorn með Framsokn all ekki allt annað/Kveðja Halli Gamli

[Gústaf Níelsson, 15.5.2007 kl. 00:10]

Kæmi til greina að styrkja ríkisstjórnina með því að bjóða Frjálslyndaflokknum aðild?

[Kolbrún Baldursdóttir, 15.5.2007 kl. 08:44]

Ég veit það svei mér ekki, mér finnst einfaldlega að eftir þá útreið sem Framsókn fékk eigi hann ekki að vera í ríkisstjórn.
Þetta kosningarkerfi er líka stórfurðulegt að mínu mati, verulega erfitt að botna í því. Vona að það verði rækilega endurskoðað.
Alla vega hefur Sjálfstæðisflokkurinn öll tromp í hend sér og það er frábært fyrir okkur sem tilheyrum þeim flokki.