Sjálfsstæðisflokkur og Samfylking: besti mögulegi kosturinn fyrir þjóðina

Nú eru hjólin farin að snúast í rétta átt.  Nái þessir tveir flokkar að mynda ríkisstjórnarmeirihluta sem ég tel að séu miklar líkur á mun þjóðin verða í góðum málum.  Samstarfi Sjálfstæðisflokks og Framsóknar hlaut að ljúka nú. Það var vilji kjósenda. Að hundsa svo skýr skilaboð frá kjósendum hefði verið há ávísun á erfiðleika ekki bara fyrir Framsókn heldur einnig síðar meir fyrir Sjálfstæðisflokkinn.

Enda þótt einstaka stefnumál séu ólík milli Sjálfstæðisflokks og Samfylkingar þá er munurinn ekki slíkur að ekki sé hægt að mætast á miðri leið eða finna aðrar viðeigandi lausnir hverju sinni. Að sjálfsögðu mun koma upp ágreiningur endrum og sinnum enda eru engir tveir flokkar ávalt sammála ekki frekar en þeir sem voru nú að láta af stjórnarsamstarfi. Hér er á ferðinni samstarf sem vel getur gengið ef menn vilja láta það ganga. Hindranir, verði þær í vegi, eru vel yfirstíganlegar þegar þessir tveir flokkar eru annars vegar. Þetta er í það minnsta mín trú.

Framundan eru ágæt fjögur ár. Sjórnarandstaðan mun verða öflug en stjórnin ekki síður enda góður meirihluti að baki henni.  Þjóðin mun öll græða á þessari nýju blöndu.

Athugasemdir

[Púkinn, 18.5.2007 kl. 10:29]

Ekki óskastjórn Púkans...en illskárra en .það sem við höfðum áður.

[Örlygur N. Jóhannsson (IP-tala skráð) 18.5.2007 kl. 10:46]

Ekki mín óskastjórn af mörgum ástæðum.  Finnst Sjálfstæðisflokkurinn orðinn ansi vinstrisinnaður.  Ég er einn af þeim sjálfstæðismönnum sem finnst ekki rétt að verðlauna ISG og co. með stjórnarsetu eftir að hún felldi borgarstjórnarmeirihlutann árið 1994.  Tel einnig sem gamall landsbyggðarmaður að að þetta verði hrein-ræktuð Suð-Vesturhornsstjórn sem láti sig málefni landsbyggðarinnar litlu skipta.  Þessi stjórn mun viðhalda gífurlegri uppbyggingu og þennslu á Höfuðborgarsvæðinu á komandi kjörtímabili á meðan landsbyggðin mun deyja hægfara en kvalarfullum dauða.  Ný stefna tekur við að hinni svokölluðu "stóriðjustefnu", nefnilega "stórborgarstefna".  Ég tel að þetta hjónaband eigi eftir að skaða Sjálfstæðisflokkinn og að til átaka eigi eftir að koma í honum milli vinstrisinnaðra Sjálfstæðismanna og hægrisinnaðra sem eigi eftir að valda klofningi í flokknum, en það gæti orðið til þess að flokkurinn verði ekki í ríkisstjórn þar-næsta kjörtímabil

[Inga Lára Helgadóttir, 18.5.2007 kl. 10:48]

Þetta er mín óskastjórn og er ég ekkert smá hamingjusöm ég sem er í hverfafélagi Sjálfstæðismanna ákvað að taka við rós Samfylkingarinnar og vonaði að með því að halda í henni lífinu mundu D og S ná saman..... ég var bara svoooo örvæntingarfull

Kveðja Inga Lára