Írskir, Danskir, Franskir- og Fiskidagar og svo Ástarvika á Bolungarvík

Landsbyggðin hefur svo sannarlega tekið við sér undanfarin ár hvað varðar hugmyndir að skemmtilegum uppákomum og hátíðum.  Æ fleiri bæjarfélög bjóða landsmönnum til veislu og hver og ein einkennist af ákveðnu þema.

Þótt ég hafi sjálf, ekki enn, lagt leið mína á svona Daga þá gleður það að fá fréttir frá þessum stöðum og fylgjast með úr fjarlægð hversu vel þetta tekst og hvað fólkið er glatt með þetta.

Í dag eru Fiskidagar á Dalvík og á morgun hefst Ástarvikan á Bolungarvík.
Ástarvikan á Bolungarvík er alger snilld. Hugmyndin er frumleg og vel til þess fallin að þjappa fólkinu á staðnum saman og þá ekki bara pörunum í bókstaflegri merkingu heldur einnig hinum sem bera hag staðarins fyrir brjósti sér. Fjölgun í bæjarfélaginu varðar nefnilega alla.
Góða skemmtun Dalvíkingar og Bolvíkingar. 

Athugasemdir

[Bjarney Hallgrímsdóttir, 11.8.2007 kl. 11:15]

Þetta er bara frábært hvað mörg bæjarfélög eru farin að gera líka til að laða að fólk, en því miður eru alltaf nokkrir svartir sauðir sem geta eyðilagt þessar hátíðir, þ.e. með slagsmálum og drykkjulátum... en það fylgir sennilega okkur íslendingum að það þarf alltaf eitthver að skemma...

Hef farið á Franska daga á Fásk þar sem það er nú í bakgarðinum hjá manni og það hefur verið mjög gaman...

[Solveig Pálmadóttir, 12.8.2007 kl. 10:05]

Þú gleymir aðalhátíðinni

-Vorskipið kemur- á Erarbakka ..aðalstaðnum, þ.e.as í nafla alheimsins

[Bragi Þór Thoroddsen, 13.8.2007 kl. 20:49]

Mæli með því að starta sumrinu á að sækja heim Patreksfjörð á sjómannadaginn.  Þetta er farin að vera mjög vegleg hátíið sem stendur frá fimmtudegi fram á mánudag.  Hefur undanfarin ár heppnast mjög vel og verið margt um manninn. 

En þetta er víðar gaman.

Gott framtak alls staðar sem slíkt er sett saman því markmiðið er jú skemmtun og samhugur.

vcd

[Halla Rut , 14.8.2007 kl. 00:58]

Þetta er til fyrirmyndar hjá landsbyggðinni. Mun betra fyrir þjóðarbúið ef landinn ferðast innanlands enda hef ég tekið eftir miklum áhuga fólks á að ferðast um og kynnast eigin landi frekar en að liggja eins og dauðyfli á sólarströnd.