Snilld að það skuli vera frítt í strætó fyrir framhaldsskólanema

Þetta er snilldarhugmynd og strax orðið ljóst að aðsóknin í vagnanna er meiri.  Eftir að ný borgarstjórn undir forystu Vilhjálms Þ. tók við finnst mér sem eitt og annað sé nú í betra horfi í höfuðborginni en oft áður. Það er a.m.k. verið að reyna með ákveðnum aðgerðum að koma málum sem ekki hafa verið í góðu horfi í betra horf.

Það er þetta með strætisvagnana, fríkortin og hvernig verið er að leita markvissra lausna varðandi óspektir og ölvun í miðbænum um helgar.
Eins finnst mér, alla vega í því hverfi sem ég bý í,  að ég sjái oftar starfsmenn frá hreinsunardeild borgarinnar.  Á skokkinu í gær sá ég mann mála yfir krot í undirgöngum sem ég gjarnan hleyp í gegnum. Það hef ég aldrei séð fyrir sem er jú líklegast bara tilviljun.

Reykjavíkurlistinn gerði margt gott og ekki skal vanmeta það.  Þessi borgarstjórn hefur samt tekið skrefið lengra í mörgum málum.
Vonandi er þetta bara byrjunin því verkefnin eru sannarlega mörg.

Athugasemdir

[Marta B Helgadóttir, 28.8.2007 kl. 20:56]

Tek undir þetta

[Kolbrún Baldursdóttir, 28.8.2007 kl. 21:21]

Það munu eflaust ekki allir gera.  Umræða um skatta er eldfim. Það hef ég fengið að reyna. Ég verð samt að tjá um mig þetta því mér finnst að sanngirnissjónarmið eigi að vera ofan á í þessu sem öðru. 
Nú er bara að brynja sig fyrir neikvæðu viðbrögðunum sem kunna að dúkka upp

[Kolbrún Baldursdóttir, 28.8.2007 kl. 21:25]

Æ fyrirgefðu Marta, mér fannst þú vera að commentera á fjármagnstekjuskattafærsluna.