Minningin um John Lennon kærkomin nú mitt í allri umræðu um peningamál

John Lennon og Freddie Mercury eru listamenn sem létust langt fyrir aldur fram, annar ráðinn af dögum en hinn lést vegna sjúkdóma tengdum Alnæmi.

Gleðiatburður eins og  tendrun súlunnar í Viðey í minningu John Lennons hjálpar okkur kannski að hverfa a.m.k í smá tíma frá amstri dagsins og gleyma áreiti hvort sem það eru átök á sviði stjórnmálanna, annarra krefjandi hluta í samfélaginu eða í okkar eigin persónulega lífi.

Þessir atburðir kalla fram gamlar minningar frá árum áður þegar þessir frábæru einstaklingar voru og hétu.  Maður er minntur á hversu lífið er hverfult og óútreiknanlegt og að kannski sé tími nú til að þakka.

Í allri þessari peningaumræðu sem verið hefur undanfarna daga er minningin um John Lennon sérstaklega kærkomin en hans er minnst eins og flestir vita fyrir ást og kærleik í garð náungans og baráttu hans fyrir friði á jörð.

« Síðasta færsla | Næsta færsla »

Athugasemdir

1 Smámynd: Ásdís Sigurðardóttir

Já, ég er að reyna að finna friðinn í hjarta mínu.

Ásdís Sigurðardóttir, 9.10.2007 kl. 21:51

2 Smámynd: Ásthildur Cesil Þórðardóttir

Já og ekki gleyma Bjarna Ara og Ragga Bjarna, Kastljósið í gær var hreint út sagt yndislegt.

Samt skulum við ekki gleyma græðginni og spillingunni, svona hluti verður að uppræta, menn verða að hafa þor til að taka á svona málum, og hreinsa út, annars er hætt við að það grafi verulega í og graftrarkýlið verði stórt og ljótt. 

Ásthildur Cesil Þórðardóttir, 10.10.2007 kl. 08:55

3 Smámynd: Kristín Katla Árnadóttir

Já þetta er yndislegt.

Kristín Katla Árnadóttir, 10.10.2007 kl. 10:35

4 Smámynd: Júlíus Valsson

Það er í rauninni merkilegt að Yoko ( og í raun Bítlafamilían) skuli velja Ísland til að heiðra minningu Lennons og hugsjónir hans um frið. Nú þurfum við að standa okkur og herja á ófriðarseggi heimsins.  Hvað skoðun hefði Lennon heitinn t.d haft á málefnum Palestínu? ...eða Búrna? ....eða Taiwans?   

Júlíus Valsson, 10.10.2007 kl. 21:37

Innskráning

Ath. Vinsamlegast kveikið á Javascript til að hefja innskráningu.

Hafðu samband