Jólatónleikar Fíladelfíu - Fyrir þá sem minna mega sín.

Ég var á stórgóðum jólatónleikum í síðustu viku sem haldnir voru á vegum Hvítasunnusafnaðarins. Upplifunin var einstök, enda þar á ferðinni mikilhæfir tónlistamenn og kórfólk. Tónlistarstjóri og útsetjari var að sjálfsögðu Óskar Einarsson og kórinn söng undir stjórn Hrannar Svansdóttur. Hápunktur tónleikanna var samsöngur þeirra Maríönnu Másdóttur og Erdnu Varðardóttur en þær sungu saman Ó Helga Nótt.  Þetta var með ólíkindum vel gert hjá þessum tveimur hæfileikaríku konum að unun var að.

Bestu þakkir fyrir þessa tónleika. 

Athugasemdir

[Kristín Katla Árnadóttir, 9.12.2007 kl. 13:59]

Mér hefur alltaf langað að fara en ekki komist en ég hlusta og horfi á það á aðfangadagskvöld.Eigðu góða dag Kolbrún mín.

[Heimir Lárusson Fjeldsted, 9.12.2007 kl. 16:47]

Þær Maríanna og Erdna eru hreint út sagt frábærar.

[Árni þór, 9.12.2007 kl. 16:54]

Já mjög hæfileikaríkt tónlistarfólk og málefnið frábært

[Ása (IP-tala skráð) 9.12.2007 kl. 19:24]

Það er víst orðið mjög erfitt að fá miða á þessa tónleika - fyrirtæki eru farin að gefa miðana sem jólagjöf til starfsfólks síns þannig að fljótt selst upp!!!
Enda málefnið gott og flutningur tónlistarfólks allur frábær!!!
 
Samt voru 6 tónleikar núna og fengu færri en vildu - general prufa á mánudagskvöldinu - tónleikarnir sem verða sendir út á RÚV á aðfangadagskvöld voru teknir upp á þriðjudeginum - svo voru tvennir tónleikar miðvikudagskvöld og fimmtudagskvöld!!

Ég hef aldrei farið en keypti miða handa tengdaforeldrum mínum - þau hafa oft reynt að fara en alltaf uppselt - og þau eru alveg yfir sig ánægð með kvöldið - verða hér eftir í áskrift hjá okkur hjónunum með miða í jólagjöf á jólatónleikana!

[Hólmfríður Bjarnadóttir, 10.12.2007 kl. 01:34]

Sæl Kolbrún

Ég var að skrifa færslu hjá Áslaugu Ósk og fór af rælni inn á þína síðu. Ég er mjög ánægð með að þú skulir ekki líða nafnlausar færslur. Það er mín persónulega skoðun að það sé skylda hvers og eins að koma fram undir nafni á netinu sem og annars staðar. Kveðja Hólmfríður Bjarnadóttir

[Þórarinn Þ Gíslason (IP-tala skráð) 10.12.2007 kl. 01:52]

Því miður,komst ég ekki,en ég bíð eftir Jólahátíðinni og þá læt ég þessa tónleika ekki framhjá mér fara.Báðar eru þessar söngkonur sem þú talar um, frábærar söngkonur,og margar fleiri.Og það er einmitt innan trúarhópanna sem eru margar frábærar söngkonur.Ég hugsa að ég geti hiklaust talið upp einar tíu sem skara framúr og svo margar mjög svo frambærilegar.AMEN

[Birna Dis Vilbertsdóttir (IP-tala skráð) 10.12.2007 kl. 10:07]

Æ ég missti af tónleikunum. Þessi sönghópur er alveg frábær. Ég er sammála Fríðu um að nafnlausar athugasemdir eru ekki ásættanlegar,ég ætla að loka á svoleiðis hjá mér. Ég kíkti á birtar greinar hjá þér og varð mjög hrifin af því sem þú hefur skrifað um átröskun. Ofát er nefnilega hinn öfgin í átröskuninni og fæstir sjá það þannig.

[Haraldur Haraldsson, 11.12.2007 kl. 13:53]

Eg mun horfa á þetta i sjónvarpi þegar það verður synt um Jólin/Kveðja Halli gamli

[Árni Gunnarsson, 11.12.2007 kl. 22:39]

Þessi kór hans Óskars er blátt áfram stórkostlegt hljóðfæri.

Að því liggja margir þættir en þó ekki síst þessi áþreifanlega sönggleði.