Pókervinningurinn skattskyldur eða hvað?

Birkir Jón þingmaður Framsóknarflokksins tók þátt í skipulögðu fjárhættuspili í Reykjavík eins og orðað er í Fréttablaðinu í dag.
Birkir athugar vonandi hvort hann hljóti ekki að verða gefa vinninginn (sem sagður er stór) upp til skatts nema að hann láti hann renna til góðgerðarmála.

Birkir Jón, eins og annað fullorðið fólk getur í sjálfu sér gert hvað sem er svo framarlega sem það skaðar ekki aðra og varðar ekki við lög. Eins og hann sjálfur segir að þar sem hann stundar þetta ekki sér til framfærslu eða hefur starfa af þessu (hann er jú þingmaður) þá er ekki um lögbrot að ræða.  Samt segir í frétt um þetta að lögreglan hafi nokkrum sinnum haft afskipti af skipulögðu pókerspili eins og því sem Birkir Jón tók þátt í.

Einhver mótsögn virðist því nú vera í þessu þ.e. ekki lögbrot en samt er lögreglan að hafa afskipti af þessu.  Líklega er þetta á gráu svæði, alla vega er einhver vandræðagangur með þetta sem sannarlega er vert fyrir löggjafann að skoða.

Í kjölfarið skiptir það nú Framsóknarþingmennina miklu máli að löggjafinn fari yfir þetta mál með lagabreytingar í huga. Þetta þarf að skoða að mati Birkis Jóns og þá einna helst í tengslum við félagsleg vandamál sem af spilamennskunni kunna að leiða.

Við eigum þátttöku Birkis Jóns í skipulögðu fjárhættuspili því að þakka að Framsóknarmenn eru vaknaðir til meðvitundar um málefnið.

Athugasemdir

[Kolbrún Baldursdóttir, 21.2.2008 kl. 18:47]

Get tekið undir margt af því sem þú segir svo fremi sem einstaklingar eru orðnir 18 ára.

Án þess þó að hafa það á hraðbergi held ég að mikil óráðssía sé í löggjafanum, þar þyrfti án efa að hreinsa til í þessum málum. 
Það eru of mörg grá svæði.

[Óskar Arnórsson, 21.2.2008 kl. 19:06]

Þeir sem fá bingovinninga og bridge vinninga þurfa ekki að gefa þá upp til skatts. Ekki heldur pokervinninga sem er jafn löglegt og öll hin spilin. Gamlar hefðir í hugsun er þroska- og kunnáttuleysi. Það er ekkert til sem heitir "grátt svæði" ó lögum. Annaðhvort ferð þú eftir lögunum eða ekki. Ekkert grátt svæði. Þeir sem bjuggu til hugtakið "grátt svæði" eru siðferðispredikarar, fólk sem heldur að það geti verið "barnapíur" fyrir fullorðið fólk og trúarugludallar. það er einkennandi fyrir fólk sem getur ekki þroskað sjálft sig, fer í að segja öðrum fullorðnum hvað er rétt og hvað er rangt. Ég kalla þetta  "ofsatrúar-laumumúslima"  sem lítur niður á allt fólk sem hugsar ekki eins og það sjálft.  Þá ertu búin að fá mína skoðun. Hef ég  rétt á að hafa hana??

[Kolbrún Baldursdóttir, 21.2.2008 kl. 19:14]

Að sjálfsögðu Óskar og takk fyrir að deila þessum skattaupplýsingum með okkur, já og þinni skoðun. Þú ert greinilega búinn að kynna þér þessi mál til hlýtar

[Kolbrún Baldursdóttir, 21.2.2008 kl. 20:25]

Fann sig í póker,
Framsóknarjóker.
Birkir Jón bregður á leik.
Spilar, vinnur feitt,
skuldar ekki neitt.
Fagmannlegur, fíknin fjarri.

[Ásdís Sigurðardóttir, 22.2.2008 kl. 22:31]

Mig langar að læra póker. 

[Þorsteinn Valur Baldvinsson, 23.2.2008 kl. 23:16]

Svona lagaklemma, má ekki afla tekna með fjárhættuspili en verður að gefa upp tekjur til skatts.

Áhugavert

[Þorsteinn Valur Baldvinsson, 23.2.2008 kl. 23:27]

Samkvæmt framtalsleiðbeiningum Ríkisskattstjóra fyrir 2008, ber að telja fram vinninga í veðmálum eða keppni í ótölusettan reit á tekjuhlið framtals.

Sjá nánar: http://www.rsk.is/baeklingar/rsk_0801_2008.pdf

[Þorsteinn Valur Baldvinsson, 24.2.2008 kl. 11:19]

http://valli57.blog.is/blog/valli57/entry/454441/

[Ásthildur Cesil Þórðardóttir, 25.2.2008 kl. 09:27]

Ég er sammála þér Kolbrún, þetta sýnist vera á gráu svæði og því þarf að taka á því skerpa línurnar.  Hvað má og hvað ekki.  Mér finnst að alþingismenn eigi að vera hafnir yfir allann vafa í sambandi við lög og reglur, þar sem það eru jú þeir sem setja leikreglurnar.  Það er ein af þeim kvöðum sem fylgir ábyrgð í starfi.  Ef þeir geta ekki stillt sig um að gera ákveðna hluti, þá geta þeir einfaldlega ekki gert kröfur á aðra.