Kínversk alþýða upplifir höfnun

Það eru að minnsta kosti tveir fletir á hverju máli og oftast fleiri.  Oftar en ella reynir maður að sjá að minnsta kosti tvær hliðar og ef vel tekst til sér maður fleiri en tvær og jafnvel fleiri en þrjár.

Fyrir dyrum stendur að halda ólympíuleika í Peking. Margir vesturlandabúar eru ósáttir við stefnu Kínverja í mannréttindamálum og því ósáttir við staðsetningu leikana. Vesturlandabúar (að sjálfsögðu ekki allir) hafa mótmælt og hafa mótmælin borist til Kína þar sem um þau hefur verið fjallað.

Eins og fram kom hjá íslenskri konu sem býr í Peking upplifa margir Kínverjar þessi mótmæli einfaldlega sem árás á Kínversku þjóðina fremur en sjá og skilja þann jarðveg sem þau eru sprottin úr.  Það er ómögulegt að átta sig á hversu stór hluti Kínverja er meðvitaður um aðgerðir stjórnvalda og/eða mannréttindabrot í landinu.  Á þessu er allur gangur enda landið stórt og fjölmenni mikið. Gera má því skóna að einhver hluti, stór eða lítill, skilji ekki af hverju vesturlandabúar eru svona neikvæðir í þeirra garð og eru því e.t.v að upplifa heilmikla höfnun og sárindi.

Athugasemdir

[Víðir Benediktsson, 20.4.2008 kl. 15:10]

Mikið rétt.

[Steingerður Steinarsdóttir, 20.4.2008 kl. 18:14]

Ég vil frekar að kínversk alþýða upplifi höfnun en að við upplifum yfir mannréttindabrotum kínverskra stjórnvalda.

[Ásdís Sigurðardóttir, 20.4.2008 kl. 23:07]

Ég er smeik um að það verði mikið um vandamál þessar vikur sem keppnin stendur yfir og ekki verður það leikunum til framdráttar né Kína.

[Birgitta Jónsdóttir, 21.4.2008 kl. 08:35]

Ég er sammála þér Steingerður. Við skulum ekki gleyma því að þeir kínverjar sem voga sér að gagnrýna CCP og þeirra mannréttindabrot eru umsvifalaust afskrifaðir sem föðurlandssvikarar og sendir í fangabúðir eða hreinlega drepnir.

Af hverju eru til dæmis íþróttamönnum sem eru meðlimir í Falun Gong bannað að taka þátt í Ólympíuleikunum? Ekki finnst mér það sýna sannan íþróttaanda.

Ég á bágt með fara í eitthvað meðvirknikast með kínversku þjóðinni ef hún upplifir sig sem fórnarlamb. Þau vita alveg í hjarta sínu að eitthvað er ekki eins og það á að vera. En því miður er það oft þannig með þann kúgaða að ef hann lifir í sjálfsblekkingu um að allt sé í lagi, þá er lítið hægt að gera fyrir hann.