hiv- jákvæðu fólki er meinað að ferðast til Bandaríkjanna

Mér var ekki kunnugt um það fyrr en nýlega að hiv - jákvæðu fólki er meinað að koma til Bandaríkjanna sem ferðamenn.  Ég velti því fyrir mér hvort fólk sé almennt séð kunnugt um þetta.

Þessar reglur eru ekki í samræmi við reglur sem meirihluti ríkja heimsins fylgja. Ríki sem neita hiv-jákvæðum ferðamönnum um vegabréfsáritun eru auk Bandaríkjanna: Armenía, Írak, Katar, Sádi-Arabía og Úsbekistan. Þessar upplýsingar má m.a. finna í tímariti Alnæmissamtakanna Rauða Borðanum 1. tbl. 1. desember 2006.

Athugasemdir

[DoctorE (IP-tala skráð) 5.5.2008 kl. 12:33]

Eigum við að tengja þetta í trúarbrögð.. ég held það sko

[Júlíus Garðar Júlíusson, 5.5.2008 kl. 12:51]

Kæri bloggari.

Áskorun....Prikavika í bloggheimum .....nú gefum við prik dagsins alla þessa viku í bloggheimum. Þú finnur eitthvað jákvætt, einstaklinga eða hópa sem hafa staðið sig vel.....og þeir fá Prik dagsins
Kveðja Júl Júl.  P.s skoraðu á sem flesta að taka þátt

[helgi (IP-tala skráð) 5.5.2008 kl. 13:14]

Já þetta er ótrúlegt en satt.

Ég las viðtal við listamanninn Holy Johnson fyrrum söngvara Frankie Goes to Hollywood . Þar kom fram að honum er meinað að koma til Bandaríkjanna. Þó eru yfirgnæfandi líkur á að hann hafi smitast þar af alnæmi í tónleikaferð sinni á níunda áratugnum.

Kaldhæðni örlaganna.

kv.

[Margrét Össurardóttir (IP-tala skráð) 5.5.2008 kl. 15:02]

Enda Kolbrún mín eru Bandaríkin með þeim þjóðum sem brjóta hvað mest mannréttindi í heiminum í dag og einnig þær þjóðir sem þú telur upp, þannig að þetta kemur varla á óvart.

[Ásdís Sigurðardóttir, 5.5.2008 kl. 16:24]

Trúi þessu vel, þeir leyfa sér nú allt í henni Ameríku. Reyndar er ég svo heppin að mig hefur aldrei langað þangað, er svo mikil Evróp manneskja.

[Kristín Katla Árnadóttir, 5.5.2008 kl. 18:08]

Þetta kemur mér ekkert á óvart Kolbrún mín og tek undir með þeim Margréti og Ásdísi.

eigðu gott kvöld.

[Ólafur B. Jónsson (IP-tala skráð) 5.5.2008 kl. 20:54]

Þrátt fyrir þetta, eru Bandaríkin meðal bestu og fremstu þjóða í heimi. 

[Helga (IP-tala skráð) 5.5.2008 kl. 22:10]

Þetta vekur upp þá spurningu hvernig bandarísk stjórnvöld vita hver er HIV-jákvæður! Hafa bandarísk stjórnvöld náð samningum við ríki heims um að þau fái aðgang að læknaskýrslum almennings? Er bandarískum yfirvöldum tilkynnt um hverjir greinast HIV-jákvæðir? Eða eru ferðamenn teknir í HIV-próf við komuna til Bandaríkjanna? Eftir hryðjuverkin í New York settu bandarísk stjórnvöld öðrum þjóðum stólinn fyrir dyrnar með því að krefjast ansi ítarlegra upplýsinga um hugsanlega ferðamenn og höfðu sitt fram. ESB hefur nú tekið þetta upp eftir þeim bandarísku fyrir fólk utan ESB og EES. Eru upplýsingar um HIV-meðal þessara upplýsinga og þá kannski aðrar heilsufarsupplýsingar? Senda íslensk stjórnvöld t.d. þeim bandarísku niðurstöður úr HIV-prófum? Ef ekki þá fæ ég ekki séð hvernig er hægt að neita HIV-jákvæðum landgöngu, nema þeir séu teknir í próf á flugvöllunum.

[Kolbrún Baldursdóttir, 5.5.2008 kl. 22:36]

Áhugaverðar vangaveltur Helga. Nú veit ég ekki hvernig framkvæmdin á þessu er nákvæmlega.

Ég ræddi þetta mál við mann sem er hiv jákvæður og spurði hann einmitt hvað ef hann ferðaðist til Bandaríkjanna og tæki þá ákvörðun að opinbera ekki að hann væri hiv jákvæður.  Hann taldi að það gæti verið vandkvæðum bundið þar sem hann yrði að ferðast með lyfin sín með sér og gæti allt eins átt von á að þurfa að gefa skýringu á þeim. 

[Gúnna, 6.5.2008 kl. 01:12]

Ekki hafði ég hugmynd um þetta - og hefur maður nú ansi oft komið til USA. Ég tek nú undir ýmislegt í vangaveltum Helgu - hvernig í andsk..... eiga þeir að vita þetta??

Ég gæti nú skrifað margar síður um ýmisleg í bandaríska þjóðfélaginu sem betur mætti fara - en læt það bíða betri tíma.

[Kolbrún Baldursdóttir, 6.5.2008 kl. 20:18]

Ég vil nú ekki dæma þessa þjóð í heild sinni vegna þessara reglna eða nokkurs annars ef því er að skipta og ekki er hún öll sem eitt ábyrg fyrir stjórnkerfið eða stefnu forsetans núverandi. Þetta er heil heimsálfa og fólkið, venjur og háttarlag eins fjölbreytt og hugsast getur.

Segja má samt að þetta sé þjóð öfga, annars vegar er allt það besta til þarna og hins vegar margt afar slæmt.

Það sem mér finnst standa upp úr eftir hálfsmánaðar dvöl mína í Flórída nú nýverið er hversu fólkið er kurteist og almennilegt í framkomu. Maður var einhvern veginn alltaf í forgangi..

En eins og Gúnna segir er margt sem má betur fara eins og er með flestar þjóðir væntanlega. 

[Ásthildur Cesil Þórðardóttir, 6.5.2008 kl. 22:36]

Þetta kemur mér ekki á óvart, því óvíða í heiminum eru mannréttindi meira brotin á fólki en í þessu landi "frelsisins".