OG SVARAÐU NÚ!

Við tiltekt fann ég tvær áhugaverðar bækur, önnur heitir OG SVARAÐU NÚ Spurningar og þrautir við allra hæfi og hin ÁSTARDRYKKIR OG ÖNNUR HJÁTRÚ UM SAMSKIPTI KYNJANNA.
Útgefandi Vaka-Helgafell 2001.

Hér koma nokkrar gátur.

1. Fyrir hverjum þurfa allir að taka ofan hattinn, jafnvel forsetar og kóngar?

2. Hvaða fyrirbæri er það sem hefur rót sem vex upp á við?

3. Hvað er það sem skýlir manni fyrir norðangarranum en getur jafnframt rifið kjaft, spilað fótbolta og drukkið rauðvín?

Hjátrú um samskipti kynjanna.

1. Vilji fólk eignast barn þykir happadrýgst að hafa samfarir á sunnudegi, undir fullu tungli og í aðfalli sjávar.

2. Hársárir menn sem einnig kitla í iljarnar verða hræddir um konur sínar.

3. Fyrir hjón sem rífast er ráð að sofa á reyniviði.

Þá vitum við það.
Góðar stundir.

 

Athugasemdir

[Ása (IP-tala skráð) 15.8.2008 kl. 13:12]

Hehe - þetta er býsna skemmtilegt samansafn.

Mig grunar að svarið við fyrstu spurningu sé: Dómaranum.

Mig grunar að svarið við spurningu tvö sé: kartaflan áður en hún fer ofaní moldina.

Spurning þrjú vefst fyrir mér - hef engan fótboltaáhuga því miður - drekk ekki áfengi en mér finnst best að halda mig inní húsi í norðangarranum....hmmmm....en það svarar nú engu....

og þetta með samskipti kynnjanna eru bara alveg yndislegar heimildir um söguna okkar!!!

Knús á þig Kolbrún fyrir að gefa okkur skemmtileg heilabrot....

[Kolbrún Baldursdóttir, 15.8.2008 kl. 19:12]

Elsku kerlingin mín, ekki rétt svör, en frábært hjá þér að henda þér ofan í djúpu laugina.
Engin annar so far hefur fylgt þér eftir.

Þú er þess vegna sigurvegari sem slíkur.

[Marta B Helgadóttir, 15.8.2008 kl. 23:22]

Takk fyrir þennan fróðleik Kolbrún mín

[Jóna Kolbrún Garðarsdóttir, 16.8.2008 kl. 01:44]

1. Rakaranum 2. tennur í efri gómi 3. veit ekki

[Edda Agnarsdóttir, 16.8.2008 kl. 08:24]

1. fyrir svefninn eða svefninum langa

2. rót vandans

3. Þetta minnir mig á Guðjónþjálfara Skagamann

[Kolbrún Baldursdóttir, 16.8.2008 kl. 09:25]

Rétt svar er komi við nr. 1 og 2.
1. Það er rakarinn
2.  Tennur í efri gómi

Til hamingju Jóna Kolbrún.

En hvað er það sem skýlir manni fyrir norðangarranum en getur jafnframt rifið kjaft, spilað fótbolta og drukkið rauðvín?

Svarið blasir við, alla vega þegar maður veit það.

[Sesselja Fjóla Þorsteinsdóttir, 16.8.2008 kl. 10:22]

Frábær lesning þetta.

[Jóna Kolbrún Garðarsdóttir, 17.8.2008 kl. 00:08]

nr.3 er frakki, ég verð nú að viðurkenna að ég á ekki heiðurinn af svörunum.  Þrjú börnin mín svöruðu einni spurningu hvert

[Kolbrún Baldursdóttir, 17.8.2008 kl. 00:23]

Frakki var það heillin.

Þá eru komin svör við öllum gátunum.

Sunnudagskveðja til ykkar allra