Lítil en samt stór. Litla Ísland vann stórt!

Þetta er mikill gleðidagur fyrir okkur Íslendinga og yndisleg stund á Bessastöðum þegar strákarnir tóku við Fálkaorðunni.

Viðtalið við forseta okkar Hr. Ólaf Ragnar Grímsson áðan í sjónvarpinu var einnig skemmtilegt.  Þar lýsti hann því á einlægan hátt hvernig tilfinning það var að vera áhorfandi þegar íslenska handboltaliðið frá smáríkinu Íslandi átti stórsigur á Ólympíuleikunum.

Hr. Ólafur sýndi einlæga aðdáun og gleði yfir þessum áfanga liðsins og gaman fannst mér að sjá og heyra hversu ánægður og stoltur hann er af forsetafrúnni Dorrit sem sannarlega hefur á sinn persónulega hátt lagt sitt af mörkum til að styðja og fagna. Reyndar saknaði ég þess að sjá hana ekki við veitingu Fálkaorðunnar. Það hefði sæmt henni vel að næla Fálkaorðunni í strákanna.  

Tilfinningalegar upplifanir, tjáning á gleði og stolti yfir sigri þessa frábæra liði og þjálfara þeirra hefur verið samnefnari Íslendinga í dag og undanfarna daga.

Athugasemdir

[Sesselja Fjóla Þorsteinsdóttir, 27.8.2008 kl. 23:36]

Frábær stund fyrir alla þá sem vilja horfa á virðingu í sátt og samhug !

[Ásdís Sigurðardóttir, 28.8.2008 kl. 19:14]

Algjörlega frábært og mér þykir vænt um að lesa þennan pistil þinn, hófstilltur og kurteis.  Frú Dorritt var ekki viðstödd vegna þess að það tíðkast ekki að forsetafrú sé viðstödd orðuveitingar. Veit ekki hvort þetta er hárrétt, en ég var að kanna málið og skilst að þetta sé svona.  Hinsvegar fannst mér einstaklega fallegt að sjá rósavöndinn aftan við myndina af frú Guðrún Katrínu og sást það alltaf í mynd þegar vélinni var beint að Ólafi. Það var fallegt að mínu mati.  Makar þeirra sem voru viðstaddir móttökuna á Arnarhóli voru ekki boðnir og gilti því eitt yfir alla.  Kær kveðja

[Kolbrún Baldursdóttir, 28.8.2008 kl. 19:27]

Já, ég heyrði það í fréttum í dag að það væri ekki hefð fyrir að forsetafrúin væri viðstödd orðuveitingar á Bessastöðum.
Er ekki tímabært að fara að brjóta upp þessa hefð?

Hefðir geta alveg verið góðar og gildar en þær má að sjálfsögðu endurskoða og endurmeta.

Bestu kveðjur til þín og þinna.

[Ásdís Sigurðardóttir, 28.8.2008 kl. 20:07]

Sæl, og takk fyrir samþykkið, var einhvernvegin búin að glata þér. Ég er sammála því að það má breyta þessari hefð, hefði verið gaman að hafa Dorritt, því það var jú fullt af konum þarna hvort eð er.

[Gulli litli, 28.8.2008 kl. 20:31]

Ég hef alltaf verið á móti orðuveitingum en ég horfði bljúgur á þetta allt saman..

[Ásthildur Cesil Þórðardóttir, 28.8.2008 kl. 21:48]

Sá ekki viðtalið við forsetan, en mér finnst það hefði alveg verið við hæfi að fá Dorrit til að næla orðunni í þessa frábæru íþróttamenn, ég er líka viss um að þeir hefðu glaðst yfir því.