Smá slys, saltaði pönnkökurnar í stað þess að sykra.

Það voru einhver áhöld um það hvort það var ég eða móðir mín sem ætti 84 ára afmæli í dag þegar í ljós kom að ég hafði saltað pönnukökurnar í stað þess að sykra þær.

Í tilefni afmælisdags hennar bauð ég sem sagt upp á saltaðar, upprúllaðar pönnukökur.

Þetta er víst ekki fyrsti skandallinn í eldhúsinu sem ég verð uppvís að. Enn er í minnum haft þegar ég, fyrir 27 árum bakaði svona ægilega fínar hálfmánakökur með málshætti inn í.  Í lok kaffiboðsins mundi ég allt í einu eftir að ég hafði gleymt að segja fólkinu að vara sig á að borða ekki málsháttinn.

Það var um seinan, gestirnir höfðu bara gleypt pappírinn með kökunni.

Meiri græðgin í þessu fólki.
Mér voru alla vega ekki vandaðar kveðjurnar þann daginn og hef ekki bakað hálfmánakökur síðan.

Athugasemdir

[Brynja Dögg Ívarsdóttir, 21.9.2008 kl. 16:52]

Hahaha þetta var ansi skondið,en þetta getur komið fyrir hvern sem er.

 Óvart. Verði þér samt að góðu.

[Kristín Katla Árnadóttir, 21.9.2008 kl. 17:07]

Þetta kom fyrir mig einusinni. 

[Aprílrós, 21.9.2008 kl. 17:32]

Hahaha góð   það er enginn fullkominn svo ég viti til

[Jenný Anna Baldursdóttir, 21.9.2008 kl. 17:45]

Þetta bjargar deginum.  Alveg klárlega sko.

Rosalega er þetta dúllulegur gjörningur, þetta með málshættina.

[Marta Gunnarsdóttir, 21.9.2008 kl. 19:55]

Þetta afmæli verður ógleymanlegt og er ekki nauðsynlegt að hafa krydd í tilverunni?  

[alva (IP-tala skráð) 22.9.2008 kl. 08:20]

[Kolbrún Baldursdóttir, 22.9.2008 kl. 11:43]

Gerði það einmitt um kvöldið, þ.e. í gærkvöldi.
Rúllaði þeim söltuðu í sundur, sauð svo hrísgrjón, setti saman við þau ananas, kjúklingabita og meira krydd (ekki þó salt).
Setti svo gumsið á söltuðu pönsurnar, hellti ostasósu yfir og skellti þeim svo í örbylgjuna.
Og þá var nú annað upplit á eiginmanninum en þarna fyrr um daginn.

Hann sagði nammmmmmmmmmmmmmmm

[Ásthildur Cesil Þórðardóttir, 22.9.2008 kl. 12:05]

Hahahaha góð, og svo bara bjargaðir þú þér fyrir horn.

[Sesselja Fjóla Þorsteinsdóttir, 22.9.2008 kl. 13:23]

jedúddddddda mía.