Loksins, gamla frumvarpið mitt til laga að verða að veruleika

Mitt fyrsta og sennilega síðasta frumvarp til laga er að verða að veruleika að því sem ég best get séð. Hækka á ökuleyfisaldur í 18 ára.

Á sínum tíma taldi ég mig færa ágæt rök fyrir mikilvægi þess að hækka lágmarksaldur ökuleyfis í 18 ár. Ég mælti fyrir þessu frumvarpi síðla dags í nærveru afar fárra þingmanna. Þáverandi samgönguráðherra var reyndar svo almennilegur að vera viðstaddur.

Það vildu ekki margir þingmenn koma nálægt þessu frumvarpi. Pétur Blöndal var strax tilbúinn að vera með og Þuríður Backman bættist í hópinn á síðustu stundu.

Nú er þetta að verða raunin. Ég ætla ekki að þreyta bloggheim með rökum þessu tengdu en á þau til að sjálfsögðu.

Athugasemdir

[Valdimar Samúelsson, 15.2.2011 kl. 20:43]

Ég hef alltaf verið sammála hækkun á aldri hjá strákum jafnvel 20 ára. Stúlkur er ok 18 ára. Hjá strákunum er þetta aðal karl hormóna aldurinn svo hugsunin fer öll í að sína hve flottir þeir eru. Í bandaríkjum er undanþágur fyrir dreifbýli við vissar aðstæður t.d. að komast í skóla og ekkert annað

[Vilborg Eggertsdóttir, 15.2.2011 kl. 20:45]

- fegin er ég að þetta var ekki svona þegar ég og þú tókum bílpróf :o))

- lyktar af forræðishyggju "fullorðna" fólksins ((o:

[Kolbrún Baldursdóttir, 15.2.2011 kl. 22:41]

Ég minnist þess sjálf hvað ég var kvíðin þegar mín börn fengu bílprófsréttindi 17 ára og skelltu sér útí umferðina. Þá óskað ég þess að lágmarksaldurinn væri 18. Veit ekki hvort ég sé eina foreldrið sem upplifði þetta. Alla vega, það munar um þetta eina ár að mínu mati.