Af hverju heitir þetta FIT kostnaður?

Það gjald sem bankar innheimta hjá viðskiptavinum sínum fyrir hina og þessa þjónustuna svo sem ef viskiptavinur vill taka út af reikningi sínum kallast FIT kostnaður. 
Ég verð nú að játa vanþekkingu mína og spyr, fyrir hvað stendur FIT?

Eiginlega ætti frekar að kalla þetta okurgjald eða siðlaus gjaldtaka.
Mín upplifun sem viðskiptavinur eins af stærstu bönkum landsins er sú að þetta gjald nær yfir æ fleiri þjónustuviðvik eftir því sem árin hafa liðið. Fari maður í útibúin held ég að tekið sé gjald fyrir nánast allt nema að leggja inn.

Einhvern veginn hafa bankarnir náð að færa sig æ meira upp á skaftið í þessum efnum án þess að við höfum tekið svo mikið eftir því. 
Eigum við ekki að mótmæla þessu?

Athugasemdir

[Markús frá Djúpalæk, 18.8.2007 kl. 10:03]

Auðvitað eigum við að mótmæla þessu.  Bara spurning hvernig. Mér skilst að FIT standi fyrir Færslugjald vegna innistæðulausra tékka. Það er ekki mikið um tékka í umferð, þannig að nafnið er fáránlegt en kostnaðurinn enn afkáralegri.

[Bragi Þór Thoroddsen, 18.8.2007 kl. 13:08]

Þetta gjald er all avega eitthvað töluvert umfram raunverulegan kostnað við að innheimta og rétta hlut banka vegna umframúttektar.  Í Bretlandi var úrskurðað af dómstólum að bankar skyldu endurgreiða viðskiptavinum oftekin gjöld vegna færlsna aftur í tímann.  Gjöld eru líkt og núverandi þjónustugjöld hjá ríkinu - verða nokkurn veginn að vera í takt við raunverulegan kostnað.  Einhver snillingur komst þó að því að staðan væri ekki sú saman hér.  Skora á þá sem hafa tíma til að láta á reyna.

Stundum lendir maður í því að vera með debetkort með inneign.  Vitandi það að lagt verði inn samdægurs er kláruð færsla.  Hins vegar er tekinn FIT kostnaður vegna greiðslu sem innheimt er á dag þar sem ekki átti að vera innistæða.  Það er sem sé hægt að fá FIT kostnað án þess að fara tölulega yfir á reikningnum.  Fannst þetta undarlegt og kannaði í banka.  Svona er þetta.

Þetta er ofurvald sem banki hefur á manni í dag.  Ég er hins vegar verulega ánægður með minn banka enn sem komið er.  Í vinnu minni kemst ég þó að því að ekki eru allir eins ánægðir með sinn.

vcd

[Jens Guð, 18.8.2007 kl. 17:35]

  Það er rétt hjá Markúsi að FIT stendur fyrir Færslu innistæðulausra tékka.  Bankarnir mættu mín vegna frekar fella þetta gjald niður en eyða milljónum króna í hljómleika þar sem hver sönghópurinn á fætur öðrum spilaði bara músíkina af disk eða úr tölvu. 

[Kolbrún Baldursdóttir, 19.8.2007 kl. 12:43]

Það er grein í Mbl. í dag eftir Þorgeir Gunnarsson. Hann spyr hvar Bónusbankinn sé, banki sem býður viðskiptavinum sínum lægri gjaldskrá en græðir samt?

[Guðjón (IP-tala skráð) 21.8.2007 kl. 12:50]

Ég hvet fólk til að kynna sér netbankann S24.  Hann býður mjög góða innlánsvexti og lægri yfirdráttavexti en gengur og gerist.  S24 og NB eru "Bónusbankar" en fólk virðist alltaf gleyma þeim.  (Ég er ekkert tengdur þessum bönkum á annan hátt en þann að vera viðskiptavinur)