Niðurgreiðsla á sálfræðiþjónustu.

Í dag barst mér svar heilbrigðisráðherra við fyrirspurn sem borin var upp á Alþingi í nóvember s.l. Eins og flestir vita kannski hefur Sálfræðingafélag Íslands barist fyrir því í hartnær 20 ár að þeir sem óska eftir þjónustu sálfræðinga fái niðugreiddan kostnað á viðtölum rétt eins og tíðkast hefur árum saman hjá geðlæknum og fleiri heilbrigðisstéttum. Þetta er spurning um að velja sér heilbrigðisþjónustu án tillits til efnahags. Með því að semja ekki við sálfræðinga er einnig verið að mismuna stéttum. Svörin má nálgast á vefsíðu Alþingis undir Kolbrún Baldursdóttir eða á heimasíðu minni www.kolbrun.ws.
Fyrirspurnin er þessi:

1. Til heilbrigðisráðherra um viðtalmeðferðir vegna kvíða- og þunglyndiröskunar.
a. Hversu margir sjúklingar koma árlega í viðtalsmeðferð vegna kvíða- og þunglyndisröskunar?
b. Hversu margir aðilar hér á landi hafa réttindi til að veita slíka meðferð?
c. Hvað hefur ráðuneytið gert til að veita sjúklingum val um viðtalsmeðferð?
d. Hver er afstaða ráðuneytisins um greiðsluþátttöku Tryggingarstofnunar í viðtalsmeðferð hjá sálfræðingum?

Athugasemdir

[Haraldur Haraldsson, 20.2.2007 kl. 22:53]

Oft hefur verið þörf,en núna er nauðsin!!!!!Kveðja Halli Gamli

[Ingibjörg Álfrós Björnsdóttir, 20.2.2007 kl. 23:16]

Flott hjá þér Kolbrún! Þetta eru mikilvægar spurningar sem þarf að fá svör við.

[Heimir Lárusson Fjeldsted, 21.2.2007 kl. 00:17]

Áfram Kolbrún!

[Júlíus Valsson, 21.2.2007 kl. 18:28]

Þessi svör heilbrigðisráðherra við þínum spurningum varðandi sjálfstæða þjónustu sálfræðinga sýnist mér vera þau sömu og ráðuneytið hefur gefið undanfarna áratugi. Það er ótrúlegt, að sálfræðingar og t.d. iðjuþjálfar skuli ekki enn njóta sömu réttinda og starfsskilyrða og aðrar heilbrigðisstéttir þ.e. fá að starfa sjálfstætt með greiðsluþátttöku T.R.  Að planta þessum starfsstéttum inn á heilsugæslustöðvar virðist mér vera hrein miðstýringargleði.
Það er eins og menn haldi að þau steinaldarbákn, sem heilsugæslustöðvarnar eru, leysi öll heilbrigðiðsvandamál. Þjónusta sjálfstætt starfandi sálfræðinga gæti einmitt lækkað kostanðinn við meðferð ýmissa geðraskana og þeir geta unnið mjög þarft fyrirbyggjandi starf.  Aðalatriðið er í þessu málum, að sjúklingarnir sjálfir hafa í raun ekkert valfrelsi. Hvernig verður þetta þegar og ef vinstri flokkarnir komast til valda? 

[Kolbrún Baldursdóttir, 22.2.2007 kl. 16:06]

Þetta er búið að vera baráttumál sálfræðinga í bráðum 20 ár. Nágrannaþjóðirnar eru með þetta á hreinu. Fólk á að hafa val án tillits til efnahags, hvort það vill fara til geðlæknis og líklega fá uppáskrifuð lyf hjá honum eða hvort það vill samtalsmeðferð hjá sálfræðingi. Sumir þurfa auðvitað bæði. Svo er þetta spurning um að stéttir sitji við sama borð en sé ekki mismunað eins og Samkeppnisstofnun komst að niðurstöðu með en þeirra álit var að semja ætti við sálfræðinga eins og geðlæna. Heilbrigðisráðherra áfrýjaði málinu og áfrýjunarnefndin felldi álitið úr gildi. Við komumst ekkert áfram með þetta mál meðan Framsókn stjórnar heilbrigðisráðuneytinu. Ég hef nú ekki trú á að við þurfum að óttast það að vinstri flokkarnir komist til valda en gaman væri ef Sjálfstæðisflokkurinn fengi þetta ráðuneyti til sín eftir næstu kosningar.