Heimilisofbeldi: meðferðarúrræði fyrir ofbeldismenn

Í framhaldi af pistli mínum um heimilisofbeldi um helgina langar mig að benda á meðferðarúrræðið „Karlar til ábyrgðar“ sem sálfræðingarnir Einar Gylfi Jónsson og Andrés Ragnarsson standa fyrir. Þetta má sjá í Mbl. í dag á bls. 24.  Það voru all nokkrir sem tóku þátt í umræðunni um þetta efni hér á bloggsíðunni og sumir hverjir voru einmitt að velta fyrir sér hvaða úrræði stæði ofbeldismönnum til boða. Hér kemur sem sagt eitt af slíkum úrræðum. 
Hafi karlar hug á meðferð vegna ofbeldishegðunar þá segir í umfjöllun Mbl. að nóg sé að panta tíma annaðhvort hjá Andrési eða Einari eða hringja í 1717 vinalínu Rauða krossins, sem er símaþjónusta allan sólarhringinn. Ef þið vitið um einhvern sem myndi gagnast svona meðferð þá er ekki úr vegi að koma þessum upplýsingum áleiðis.
Þetta er frábært framtak hjá kollegum mínum Andrési og Einari Gylfa sem báðir eru þaulreyndir sálfræðingar.

Athugasemdir

[Sigfús Sigurþórsson., 10.4.2007 kl. 13:03]

Maður er alltaf skíthræddur við sálfræðinga, þeir gætu komist að einhverju sem enginn má vita Mér skilst að þeir séu nú hættir að nota bekkinn, og hvað þá, þarf maður núna að standa á tá upp við vegg? nei bara svona smá vangaveltur.

[Kolbrún Baldursdóttir, 10.4.2007 kl. 13:40]

Nei það er venjulega núna að standa á haus 

[Inga Lára Helgadóttir, 10.4.2007 kl. 20:52]

Ég hef einmitt kynnt mér lítillega þessa meðferð sem þú ert að tala um í pistlinum

[Inga Lára Helgadóttir, 10.4.2007 kl. 20:55]

gleymdi að segja að mér líst vel á hana

[Herdís Sigurjónsdóttir, 10.4.2007 kl. 22:52]

mjög þaft að koma inn í umræðuna, var einmitt morgunfærsla mín í dag