Þegar umræða skilar sér

Það að samgönguráðherra hefur ákveðið að skipa starfshóp til að samræma reglur milli lögregluembætta um sýnatöku af ökumönnum sem grunaðir eru um neyslu ólöglegra efna er skýrt dæmi um hvernig mikil umræða í þjóðfélaginu getur haft áhrif til góðs.

Flestum er það enn minnistætt þegar kona kærði lögregluna á Selfossi fyrir valdbeitingu þegar settur var upp þvagleggur hjá henni með valdi.  Miklar umræður sköpuðust í þjóðfélaginu og þar á meðal hér á Moggablogginu.

Ég fagna þessu framtaki samgönguráðherra enda tímabært að skoða þessa reglur ofan í kjölinn. Þær, eins og aðrar reglur,  þarfnast endurskoðunar með reglulegu millibili sér í lagi þegar augljósir vankantar hafa komið í ljós.

Athugasemdir

[Kristín Katla Árnadóttir, 14.9.2007 kl. 11:00]

Kolbrún mín ég ég fagna þessu líka. Alltaf gott að lesa bloggið þitt.

[Óttar Sigvaldason (IP-tala skráð) 14.9.2007 kl. 15:57]

Sæl.  Þetta hljómar vel hjá þeim, en ég hef ekki mikla trú á þessu hjá þeim.  Mjög líklega verður útkoman sú að svona níðingsverk eins og framkvæmt var af Selfosslögreglunni verði blástimplað sem "eðlileg" vinnubrögð af hálfu lögrelunnar og þar með fullkomlega leyfileg.