Vinstri grænir með Samfylkingunni inn í ESB?

Ég á nú eftir að sjá hann Steingrím Sigfússon fara með flokk sinn inn í ESB hvort heldur með Samfylkingunni eða öðrum flokki.

Það virðist hún nafna mín Bergþórsdóttir hins vegar geta séð fyrir sér ef ég skil orð hennar rétt í pistli Moggans í gær sem ber heitið Flokkur í falli.

Kolbrún spáir því í að Sjálfstæðisflokkurinn muni falla í næstu kosningum og að Samfylkingin muni rísa og að það verði hlutskipti hennar að fara í samkrull með Vinstri grænum. Ennfremur segir hún að lopapeysupólitík (Vinstri grænna geri ég ráð fyrir) geti virkað mátulega krúttleg innan ESB en þangað hljóti næsta ríkisstjórn að stefna beina leið.

Hann Steingrímur okkar þarf heldur betur að venda sínu kvæði í kross varðandi skoðun sína á Evrópusambandsaðild ef spádómur og/eða óskhyggja Kolbrúnar á að rætast.

Athugasemdir

[Ása (IP-tala skráð) 28.10.2008 kl. 09:48]

Úff - ég vona að við förum ekki að gangast undir ESB og missa þar með allt okkar með sjálfstæðar ákvarðanir - við erum svo lítil að þetta er skelfileg tilhugsun - miklu betra að fara inní myntkerfi með td Noregi.

Ég vil alls ekki Evru sem okkar mynt!!!!!!!

[Arnar Geir Kárason (IP-tala skráð) 28.10.2008 kl. 10:17]

Þetta er svaðalegt, og langt frá því að vera þjóðini í hag að ganga í ESB.

þennan pistil skrifaði ég um aðild íslands að ESB.

[Carlos Ferrer (IP-tala skráð) 28.10.2008 kl. 11:47]

Ég held að annað tveggja muni þurfa að gerast í kjölfar efnahagshamfara, sem eru í boði gengdarlauss (laissez fair) markaðshyggju undanfarinna ára.

1. Sjálfstæðisflokkurinn mun þurfa að horfast í augu við ábyrgð sína og höfuðarkítektar flokksins munu þurfa að svara óþæginlegum spurningum úr miðju flokksins. Vona að það þýði að vaktaskipti verði í flokknum. Aðrir flokkar munu fylgja í kjölfarið, meira eða minna nauðugir. Þetta yrði þjóðinni til góðs og lækka hrokastigið sem hefur einkennt íslensk stjórnmál síðan ég man eftir mér.

2. Þeir Íslendinga, sem halda haus í gegnum næstu misseri, munu benda á það atvinnuleysisstig sem tíðkast í ESB og með því hindra það að þjóðin gangi þann veg. Stjórnvöld munu leitast við að mynda mynt- eða samvinnubandalög um mynt og bankaábyrgðir til að fyrirbyggja nýjar efnahagshamfarir. Landið er áfram í Evrópska efnahagssvæðinu og nýtir góðs af því að vera þar, án þess að kokgleypa rest.

Þótt mér sé meinilla við Sjálfstæðisflokkinn eins og hann hefur þróast síðustu 25 ár eða svo, þá leikur hann lykilhlutverk í uppbyggingunni sem framundan er. Ef hann iðrast ekki (svo ég tali guðfræðimálýsku) sbr. lið eitt hér fyrir ofan, þá munu hlutir halda áfram að drabbast niður vegna hagsmunapots og frændsemisstjórnmála, sem hefur leikið stórt hlutverk í því ástandi sem komið er.

Við þurfum stjórnmálamenn og peningafólk sem er ósmitað af sigurhyggju síðustu 20 ára. Við þurfum kalda hausa sem láta ekki leiða þjóðina eftir vegum sem ekki verður séð fyrir endan á.

Dixit.

[Steinar Immanúel Sörensson, 28.10.2008 kl. 12:30]

Kjaftæði, ESB er eina von okkar og miklu betri kostur en núverandi ástand, peningamálastefnan er ónýt með krónuna, með þvi að fara í ESB opnast okkur risastór markaður fyrir okkar landbúnað, sjávarútveg og sköpun.

Hættið nú að synda í drullupollinum þó hann sé orðinn volgur það er miklu hreinna vatn innan ESB

[Arnar Geir Kárason (IP-tala skráð) 28.10.2008 kl. 13:56]

Steinar, innganga í ESB yrði sjávarútvegi að falli þar sem aðrar þjóðir myndu byrja að sækja á miðin okkar.

Öll gjaldeyrislán verða þá föst við Evru þeas ef að við yfir höfuð fengjum að taka upp evru. En það er krafa frá ESB að það sé fjármála stöðugleiki í því landi sem tekur upp myntina.

Hvar stæðum við þá evru laus og búin að missa sjávarútveginn ?  Villtu svara mér því Steinar.

Carlos, sálfstæðisfokkurinn er sá flokkur sem ætti að mínu mati mestu möguleika á að vinna okkur útúr þessu ástandi.  Davíð Oddson er sá eini á þessu landi sem hefur þorað að bjóða auðmönnum landsins byrginn.  Allir hinir hafa elskað þá og tekið við peningunum þeirra með bros á vör.

Ég er hinsvegar mjög ósáttur við það hvað Geir H. Haarde er góður við Bretana.  Það hlýtur einhverstaðar að vera til samningur um það hvort að ríkið beri ábyrgð á skuldum bankana eða ekki.  Ef sá samningur er til hættið þessum rifrildum og byrjum að skoða hvernig við ætlum að standa við þessar skuldbindingar.  Ef hann er ekki til eða segir að við eigum ekki að borga þetta þá er ekkert til að semja um. Við einfaldlega eigum ekki að borga þetta.

[Helgi Jóhann Hauksson, 28.10.2008 kl. 15:50]

Arnar, reyndar myndu engar aðrar þjóðir en við fá rétt til að veiða á íslandsmiðum - og engar undanaþágur frá reglum ESB þarf til að svo sé. Það er grunnregla ESB í fiskveiðum að hvert ríki veiði á því svæði sem það á hefð til (miðað við 3 undangengin ár þegar ríkið gengur inn) í þeim hlutföllum sem það á hefð til. Kvótar ESB eru ríkjakvótar byggðir á þessu sem svo ríkin ráða hvernig þau fara með og þeir eru aðeins ætlaðir þegnum ríkisins sjálfs.

Að auki fá þau ríki og svæði sem háðust eru fiskveiðum forgang í aðkeypta veiðikvóta. Dæmi um slíkt er kvóti ESB við Grænland sem ESB borgar fyrir - sem við fengjum þá forgang í ef farið væri eftir almennum reglum ESB án neina undnaþága, þ.e. ef við ættum ekki að fá þann kvóta þyrfti ESB að koma með ósk um öfuga undanþágu. - Þ.e. Sjávarútvegurinn sem slíkur, að slepptum öllum þjóðrembusjónarmiðum, er betur kominn í ESB en utan og ekki er meiri hætta á erlendum flotum við ísland en að Rússar hertaki landið eða Öryggisráð Sameinuðu þjóðanna gefi Bretum Ísland uppí skuldir. - Í raun er miklu meiri hætta á að flotar ESB ryddust á Íslandsmið ef við erum utan ESB en innan þess. - Það er nú komin löng reynsla á fiskveiðistefnu ESB og það er algerlega rakalaust og engin dæmi sem styðja það að þar sé eitthvað að óttast fyrir okkur.

[Heidi Strand, 28.10.2008 kl. 16:11]

Við höfum enga forsendur til að taka afstöðu fyrir en að aðildarsamningsviðræðum verður lokið.

[Arnar Geir Kárason (IP-tala skráð) 28.10.2008 kl. 23:04]

Helgi, miðað við þessar staðreyndir þínar þá er strax komið högg á sjávarútveg okkar.  Við höfum ekki staðið lengi í veiðum á makríl og við höfum ekki veitt síld í 40 ár.  Svo er þessi grunnregla þín ekki á stefnuskrá evrópuþingsins heldur eru þetta gildandi venjur þess tíðaranda sem að gildir eins og staðan er núna.

Þar að auki hefur þetta slæmt högg á landbúnað þar sem opnað væri fyrir innflutning á landbúnaðarafurðum frá öðrum evrópuríkjum og myndi setja okkur skorður í eigin landbúnaði.

Og svo síðast en ekki síst þá fáum við ekki að taka upp evru fyrr en að við höfum sýnt fram á það í 2 ár í röð að þjóðarframleiðsla sé meiri en 60% af skuldum ríkisins. Og að við höfum með því stöðugleika á landinu.

Við yrðjum jafnframt háð evrópuþinginu í loftslags losun og gætum því ekki gert það sem við viljum í stóriðju.  Það þíðir t.d. að við gætum ekki byggt álver ef okkur langaði til þess nema með samþykki frá ESB þar sem að við hefðum ca. 5 á móti 750 atkvæðum.

Ef við hinsvegar eins og samfylkingin virðist vera orðin þá gætum við sótt um undanþágu frá stöðugleikanum og gengið rakleitt í EM2 sambandið og fengið að festa gengið við evruna líkt og slóvenía gerði á sínum tíma ef við gætum sýnt framá það að við gætum staðið við skuldbindingar okkar.

Á hinnbóginn ef að við getum sýnt framá það að við getum staðið við skuldbindingar okkar, og aukið þjóðarframleiðslu. Myndi það auka styrk krónunar enn á ný.  Þá fyrst ættum við að ræða upptöku annars gjaldmiðil og aðhyllist ég norsku leiðina miklu frekar en að fara yfir í fulla aðild að ESB.

Þykir þér það ekki fulldýrt gjald fyrir "stöðugleika" að dæma íslenska ríkisþegna til að þurfa bara að sætta sig við það að lánin þeirra séu orðin svona há og að binda gengisvísitöluna við 190-200.

[Sigfús Axfjörð Sigfússon, 29.10.2008 kl. 02:50]

Það má sjá þetta þannig að Steingrímur og Co víki fyrir sveijanlegri öflum innan flokksins. Ég get ekki séð að ESB sé málefnaleg fyrirstaða gagnvart vg, að þjóðernishrokanum sleptum. Við verðum að fara að gera okkur grein fyrir því að við búum ekki undir kókoshnetutré, þó svo að við búum á eyju.

Skemtilegar þessar fígúrur.

[Kolbrún Baldursdóttir, 29.10.2008 kl. 09:30]

Þetta eru búnar að vera áhugaverðar umræður hér, gott að ræða þetta allt fram og til baka.

Persónulega finnst mér Steingrímur og Vinstri grænir hafa verið allt of stífir, já bara of íhaldssamir,  í umræðunni um peningamálastefnuna, gjaldmiðilinn og mögulegar aðildarviðræðum við ESB.

Krónan er búin að þjóna okkur vel og lengi en eins og þetta lítur út frá mínum bæjardyrum séð eru dagar hennar taldir nú þegar heimurinn hefur opnast svona mikið og alþjóðaviðskipti orðin stór hluti af tilveru okkar hér á klakanum.