Ég er svooo ánægð með þessa niðurstöðu hvað varðar þetta klámþing.

Er þessi þjóð og þjóðarsál ekki meiriháttar!!  Hvaða þjóð getur státað sig af slíkri samstöðu sem hér ríkir þegar heill hópur ætlar að streyma til landsins í þeim tilgangi  að fjalla um og skiptast á klámefni? Þá brettir íslenska þjóðin upp ermarnar, allir sem einn og segir nei.  Þetta er of gott til að vera satt. Ég satt að segja þorði ekki að vona að þetta gæti orðið niðurstaðan eða að þetta væri yfir höfuð raunhæfur möguleiki . Allir þeir sem hafa mótmælt þessu eiga hrós skilið og þar fara grasrótarsamtökin fremst í flokki. Að sjálfsögðu höfum við eitthvað um það að segja hvaða hópar koma hingað og í hvaða tilgangi. Hvort þetta dregur einhvern dilk á eftir sér verður bara að koma í ljós. Við tökumst á við það þegar og ef til þess kemur. Ég er stolt af Bændasamtökunum og ég er rígmontin af alþingismönnunum okkar. Þetta var lagið!

Athugasemdir

[beta (IP-tala skráð) 22.2.2007 kl. 21:16]

Tjah brotið gegn mannréttindum og ýmsum landslögum með því að meina fólkinu að halda ráðstefnuna sína hérna, það eiga svo sannarlega eftir að vera afleiðingar eftir þetta. Skömmustulegt fyrir þjóðina og ég neita að taka þátt í svona múgæsingi. Þetta voru nornaveiðar og ekkert annað. Ekki tala fyrir hönd þjóðarinnar, talaðu fyrir hóp fólksins sem að var á mót, það var svo sannarlega ekki öll þjóðin!

[Ingvar (IP-tala skráð) 22.2.2007 kl. 21:52]

Ótrúlegt hjá þér að tala um samstöðu, helgislepjan og hræðslan í stjórnmálamönnum varð til þess að þetta hafðist í gegn.   Enginn þorir að segja að þetta sé kolólöglegt athæfi að reka þetta fólk í burtu.   Er ekki að mæla með klámi en hvernig var aðhafst og komið fram við fólk sem ætlaði á ráðstefnu með sín mál finnst mér út í hött.

Nú vantar bara að samkynhneigðir myndu vilja mæta með ráðstefnu og samskonar lið og setti upp á móti þessu myndi byrja að æsa sig með sértrúarsöfnuðum.

Við erum bara búin að setja okkur á sama stall og hin íhaldsömustu ríki heimsálfunnar, ásamt fylkjum í USA eins og Texas. 

Ég tel mig viðförulan mann og með opinn huga, ekki að spyrja að því að til eru í heiminumm mansal, vændi og þvingun til þess og er það viðbjóður, en að hengja þetta saman algjörlega á svona hátt er fáranlegt.   Þrátt fyrir að þetta lið starfi við klám í USA þá getum við ekki og megum ekki haga okkur svona.

Væri í lagi að fordæma þá sem það vilja en banna og haga okkur eins versta einræðisríki er fáranlegt.  Svipað og þegar Falun Gong var bannað að koma og rekin úr landi.  En á móti eru pyntingameistarar og einræðisríki á við Kína boðin velkomin og rauði dregillinn dreginn út.

Verið ánægð með ykkar helgislepju og flottu siðferðiskennd, en þetta er að mínu viti óráð fyrir okkur sem friðelskandi og opna þjóð að haga okkur á þennan hátt.

[Kolbrún Baldursdóttir, 22.2.2007 kl. 22:22]

Þetta hefði samt ekki verið hægt eða hefði yfir höfuð lyktað með þessum hætti hefði ekki verið samstaða um það.  Held að fólki hafi ofboði vefsíðurnar. En vissulega mimunandi skoðanir á þessu sem öðru.  Alls ekki hægt að líkja þessu við neina aðra hópa, að mínu mati. Þetta með að óttast Falun Gong eða bregðast við þeim með  þeim hætti sem gert var, skyldi ég reyndar aldrei.

[Haraldur Haraldsson, 22.2.2007 kl. 22:40]

Kolbrun eg verð nu að segja það sem Invar segir er dolitið gott við getum ekki bara verðið að alhæfa alltaf um að þessi og hin megi ekki gera það og hitt,i hvað Flokk erum við Sjálfstðæðisflokknum er það ekki,sv þetta með Bændur hvenær urð'u þeir svona siðpruðir ,ekki var það i gamla daga þegar annað hvert Barn var ofeðrað!!!Annars sem Sálfrængur ertu kanski að tala Rett/

Kveðjur Halli Gamli

[Haukur V. (IP-tala skráð) 23.2.2007 kl. 00:50]

Ég vona að klámhundarnir fari í mál við Bændasamtökin og setji þau á hausinn.
Ég hef engra hagsmuna að gæta hvað klám varðar, en þetta er bara fíflaskapur.
Hvað er það nákvæmlega sem er ólöglegt við þetta?

Ósiðlegt athæfi á almannafæri:
það er bannað en það er vetur, efast um að ríðingar hefðu farið fram undir berum himni...

Dreifing á klámi:
Kláminu sem þetta fólk framleiðir er dreift annarsstaðar en hér. Fer með ríðingarnar heim til sín og dreifir því þaðan, þar sem löggjöfin er önnur.

Vændi/mansal:
Ekkert þannig á ferð!

Þetta er móðursýki, smáborgaraháttur. Minnir á æstan múg í teiknimynd með skilti og heilalausa forkálfa í fararbroddi að brenna nornir á báli.

[himinblá (IP-tala skráð) 23.2.2007 kl. 08:41]

Keli, það ætti ekki að koma á óvart að fyrrverandi starfsmaður nektarbúllu verji þetta. Ef þér finnst þetta vera "sönn" kona, þá segir það meira um þig en hana.

[Davíð Halldór Lúðvíksson (IP-tala skráð) 23.2.2007 kl. 08:45]

Vegið að tjáningarfrelsi og málfrelsi, til hamingju ísland!

[Kolbrún Baldursdóttir, 23.2.2007 kl. 08:56]

Rétt hjá þér Halli, ekki oft sem hægt er að hrósa Bændasamtökunum.

[J. Einar V. Bjarnason Maack (IP-tala skráð) 23.2.2007 kl. 09:55]

Er ekki frekar hálfvitalegt að ætla að 'fyrrverandi starfsmaður nektarbúllur verji þetta' á meðan sífellt er talað um að komur í þessum bransa eigi svo erfitt... svolítil rökbrot þarna á ferðinni.

 Ég held að þjóðin hafi jafn mikið risið upp þarna og þegar 'við' tókum upp hanskann fyrir BNA með innrásinni í Írak. Fámennur, hávær minnihlutahópur makaði sínu vafasama siðferðisleysi og ritskoðunartilburðum uppá afganginn af þjóðinni og veittist að fólki fyrir starfa þeirra í öðrum löndum og kallar það sigur kynfrelsis - ég sem hélt að kynfrelsi fælist í því að mega stunda sína kynhegðun án afskipta óviðkomandi einstaklinga svo lengi sem aðeins samþykkir fullorðnir einstaklingar tæku þátt í því...?

Þarna er vegið að þeim sem eru ofanjarðar í bransanum og ekki í neinu vafasömu, þeir sem eru að framleiða barnaklám og stunda mansal eru ekki svona opinskáir með þetta.

kv.

J.Einar V. Bjarnason Maack

[Hans Orri Straumland (IP-tala skráð) 23.2.2007 kl. 10:16]

Að mínu mati er þetta myrkur dagur í sögu Íslands og þú og aðrir sem mótmæltu komu fólks, sem hafði það eitt á stefnuskránni að skemmta sér og styrkja sambönd og vináttu, ættuð að skammast ykkar.

[Kolbrun Baldursdottir (IP-tala skráð) 23.2.2007 kl. 10:26]

Bendi á leiðara Trausta Hafliðasonar í Blaðinu í dag. Hann segir allt sem segja þarf.

[Kolbrún Baldursdóttir, 23.2.2007 kl. 10:29]

Bendi á leiðarann í Blaðinu í dag, Klám í Reykjavík.
 Hann segir allt sem segja þarf.

[Sigurjón Valgeir Hafsteinsson, 23.2.2007 kl. 10:53]

Dapurlegt.......óskiljanlegt....

[Jónas (IP-tala skráð) 23.2.2007 kl. 11:00]

Í útvarpinu í morgun kom fram að eigendur Hótel Sögu væru að kanna möguleikann á að hætta sölu erótísks efnis á innra-sjónvarpi hótelsins. Fram kom að svona sala ("pay per view") á erótísku efni viðgengist á öllum alþjóðlegum hótelkeðjum um allan heim. Þó mætti finna fordæmi fyrir því að slík sala færi ekki fram vegna siðferðisskoðana heimamanna, það fordæmi kemur frá Mið-Austurlöndum.

Eru Mið-Austurlönd það svæði sem við viljum bera okkur saman við? 

Kolbrún, hvernig heldurðu að það sé að vera með öðruvísi skoðanir á hlutunum, öðruvísi lífsgildi, í samfélagi sem kemur af stað ákveðinni hysteríu gegn þessum skoðunum? Hvernig heldurðu að það sé að vinna við eitthvað sem er fullkomlega löglegt í heimlandinu en vera sakaður af æðstu ráðamönnum í öðru landi sem þig langar að heimsækja um "mannsal" og "barnaklám"? 

Höfum eitt alveg á hreinu: hér átti ekki að taka neinar klámmyndir, forsvarsmenn ráðstefnunnar höfðu komið því skýrmerkilega á framfæri. Hér var fólk að hittast og skoða Gullfoss og Geysi og bara skemmta sér.

Mér þykir leitt að segja það en þú hefur algjörlega glatað trausti mínu með þessum málflutningi. Það verður stórt strik sem fer yfir nafnið þitt á mínum kjörseðli.

[Stefán Guðmundsson (IP-tala skráð) 23.2.2007 kl. 13:34]

Þetta var afar heimskulegt hjá Bændasamtökunum og ég verð bara að kalla þetta hneyksli og móðursýki af verstu gerð. Allar skoðanir sem hér voru gerðar meðal almennings sýndu að yfirgnæfandi meirihluti þjóðarinnar var fylgjandi því að þetta blessaða fólk fengi að koma hingað, en yrði ekki fordómum og fámennum öfga feministum að bráð.

Stefán   

[Haukur Nikulásson, 23.2.2007 kl. 15:38]

Þessu móðursýkiskasti hefði betur verið varið í fordæmingu á stríðinu í Írak og stuðningi Sjálfstæðismanna við það. Hins vegar ert þú sem partur af þingliði Sjálfstæðisflokksins kefluð í því máli af forystumönnum þíns eigins flokks og hefur ekki einu sinni málfrelsi í því máli!

[Sigríður Gunnarsdóttir, 23.2.2007 kl. 16:01]

Tek undir með þér Kolbrún, þetta var í alla staði glæsilegt. Ég gef ekki mikið fyrir umburðarlyndi og frelsishjal; þetta snýst ekki um að meina fólki aðgang að landinu, held að fordæma klámiðnaðinn í heild sinni. Þetta fólk er svo guðvelkomið hingað en ekki þar með sagt að við sættum okkur við að Ísland verði vettvangur fyrir alþjóðlegar klámráðstefnur!

[Ólafur (IP-tala skráð) 23.2.2007 kl. 17:41]

Þú sem fulltrúi flokks sem styður frelsi einstaklingsins til orðs og athafna ættir nú að hugsa þig aðeins um hvort þú sért ekki á vitlausum stað.

Á móti funda- og ferðafrelsi fólks sem ekkert hefur gert af sér? 

Niðurgreiðsla á sálfræðiþjónustu?

Hjólreiðastígar? 

[Katrín Snæhólm Baldursdóttir, 23.2.2007 kl. 17:44]

Tek undir með því að frekar hefði ég viljað sjá þig standa upp og verða svona yfirmáta baráttuglöð gegn stríðinu í írak!!!!!

Þar fer fram mesta hörmungarsaga og eflaust mikil misbeiting á konum og börnum..með stuðningi hverra?

[Kolbrún Baldursdóttir, 23.2.2007 kl. 19:32]

Ég er talsmaður frelsis og þar á meðal valfrelsis en það þýðir samt ekki að það sé gagnrýnislaust.

[Gústaf Níelsson (IP-tala skráð) 24.2.2007 kl. 22:35]

Kolbrún. Hefur þú ekki hugleitt hvort þú sést ekki í röngum flokki? Hugtök á borð við frelsi, valfrelsi (þú notar þau oft í skrifum þínum), svo ekki sé nú talað um grundvallarmannréttindi, eru ekki afgangsstærðir notað eftir smag og behag. Þetta eru absalut hugtök og gilda um alla einstaklinga, líka þá sem þér er í nöp við.

[Kolbrún Baldursdóttir, 25.2.2007 kl. 10:01]

Er ekki í nöp við neinn, en eins og öllum öðrum líkar manni sumt og annað ekki eins og gengur Gústaf. Hvað eina er í lagi svo fremi sem það skaðar engan. Ég er í hárréttum flokki, finnst ég hvergi eiga annars staðar heima en í Sjálfstæðisflokknum.

[Óttarr Makuch, 25.2.2007 kl. 23:23]

Ég skil ekki þessa umræðu um þetta "klámþing" það hefur ekkert ólöglegt verið framkvæmd en samt er dómur fallinn.  Hverskonar ritskoðun hefur átt sér stað hérna?  Er rétt að við förum að spyrja alla þá sem inn í landið vilja koma, hvað þeir starfa við og hvað þeir þeir ætli að gera í heimsókninni.  Ég þori að fullyrða að margir ferðamenn sem heimsótt hafa okkar fallega land hafa gert ýmislegt ólöglegt í ferðinni!  En það sem mér þykir aftur merkilegra er að hótelstjórinn á Hótel Sögu viðurkennir að starfsfólk hótelsins hafi leigt fólki klámefni í gegnum lokaðar stöðvar hótelsins og síðast þegar ég vissi var það ólöglegt að leigja fólki klámefni og hvað skildi lögreglan ætla að gera í því máli, þar hefur brotið þó farið fram?

En hitt er svo annað mál af hverju sumt er bannað og annað ekki, af hverju er leyft að selja klámefni en bannað að leiga? af hverju er þetta þá ekki allt bannað eða leyft.

Svo er spurningin hver ætlar að greiða skaðabæturnar til þessara tveggja vestur íslendinga og vini þeirra ef þeir krefjast bóta?

[Kolbrún Baldursdóttir, 26.2.2007 kl. 08:59]

Ég er sammála þér Óttarr að málið er flókið og margar spurningar koma upp í hugann eins og hvað varðar allar hinar birtingarmyndirnar. Samt hefur mér fundist áhugavert í þessari umræðu að það virðist að mestu leiti vera konur frekar en karlar sem fagna því að þetta klámþing var blásið af og láta sér standa slétt sama um hvort það var löglegt eður ei. Karlarnir hins vegar margir hverjir eru mjög hneykslaðir og finnst sem þarna hafi verið allt að múgsefjun í gangi. Bara að skoða athugaemdirnar við þetta blogg þá kemur þetta svo skýrt fram. Sama staða er hérna heima hjá mér, ég fagnaði, en mínum betri helmingi fannst hins vegar við ekki geta úthýst þessum hópi sem væri bara eins og hver annar ferðamannahópur sem væri að heimsækja Ísland. Það þurfa náttúrulega ekki allir að vera sammála  hvað þetta varðar fremur en nokkuð annað.

[Davíð Halldór Lúðvíksson (IP-tala skráð) 27.2.2007 kl. 21:26]

"konur frekar en karlar sem fagna því að þetta klámþing var blásið af og láta sér standa slétt sama um hvort það var löglegt eður ei" Konur er kannski hlyntari sleggjdómum, fordómum og mannréttindabrotum.. ég veit ekki ef satt skal segja. Það væri gaman að greina nánar þá ferðamenn sem koma til landsins. Ég vill sérstaklega ekki fá Svía til landsins enda hef ég aldrei skilið húmorinn þeirra, auk þess framleiða þeir mjög mikið af klámefni.