Fermingarbæklingur Smáralindar; er forsíðan klúr?

Ég verð nú að segja að ég staldraði ekkert við þessa forsíðumynd á fermingarbæklingi Smáralindar þegar hann barst mér í hendurnar. Nú les ég að sumir telja myndina óviðeigandi, hún sýni unga stúlku í vel þekktri stellingu úr klámmyndum. Þegar betur er að gáð finnst mér nú reyndar þessi stelling frekar hallærisleg en mér finnst líka að við verðum að vara okkur á að gengisfella ekki umræðuna um klám. Hvað þetta varðar ríkir án efa mikill einstaklingsmunur; ólíkar upplifanir og skynjun fólks með ólíkan bakgrunn osfrv. Vissulega er gott að vera vakandi fyrir öllu sem gæti skaðað eða misboðið fólki sér í lagi börnum en það þarf líka að varast að oftúlka ekki eða missa okkur út í öfgar í þessu eða nokkru öðru. 

Athugasemdir

[Vilborg G. Hansen, 9.3.2007 kl. 15:51]

En segir þetta ekki nokkuð mikið um þá sem sjá þetta sem klám þ.e. þarna er barn í einhverri stellingu (skiptir ekki máli).  Barn er bara barn og ekkert klámfengið við það, nema eitthvað sé í huga þess sem horfir, eða hvað!

[Hulda (IP-tala skráð) 9.3.2007 kl. 16:57]

Ég segi fyrir mig að jafnvel þótt þessi forsíða hafi ekki slegið mig sem klám sló hún mig vissulega dálítið...þegar ég leit á forsíðuna fékk ég svona tilfinningu eins og eitthvað plagaði mig en ég átti erfitt með að greina hvað nákvæmlega.

Við nánari skoðun á forsíðunni held ég að málið hafi verið að mér fannst þetta ekki "fermingarmynd". Stúlkan var til dæmis í skóm sem mér finnst ekki hæfa stúlkum á hennar aldri (nema náttúrlega þegar ég var á þessum aldri sjálf ;)...hefði gefið mikið fyrir að fá að ganga í svona 13 ára), stellingin var kjánaleg og mér fannst þessi tuskudýr...jú, dálítið klámleg. Ég nefnilega stórefa að hún hefði undir einhverjum kringumstæðum verið látin halda á tuskudýrinu því krakkar á þessum aldrei eru jú vaxin upp úr að leika sér með bangsa (amk flest) og því spyr ég mig...hvers vegna voru dýrin þarna?

Sammála því að það er ferlegt að sjá klám út úr öllu en ég spyr mig hvort klámvæðingin sé orðin slík að fólki sé farið að finnast margt í lagi sem hefði ekki verið í lagi áður. Ég er amk á því að svona forsíða hefði ekki birst fyrir segjum 10-15 árum...á þeim árum voru stúlkur sýndar öðruvísi.

[Gunnar Th. Gunnarsson, 9.3.2007 kl. 20:05]

 It´s in the eye of the beholder.

Þær eru gjörsamlega að missa sig sumar í kvennabaráttunni. TalsKONA Feminista fór t.d. yfir strikið í klám umræðunni, sem ég fjallaði um hér . En Guðbjörg þessi Hildur Kolbeins sem tók fyrir "Klámmyndina" (aumingja stelpan sem sat fyrir á myndinni) hefur gert sig seka um afglöp, fyrr á blogg-síðu sinni. Hún fjallaði sem sagt um þátt Kastljóssins um Breiðuvíkurdrengina á hreint furðulegan hátt. 2. Sigmar "bloggaði"  eftirminnilega um þetta blog hennar.

[Vilborg G. Hansen, 10.3.2007 kl. 08:12]

Já Gunnar ég er sammála þér mér finnst sumir femíninstar alveg vera að tapa sér.  Það er í raun alveg hræðileg þessi umræða, telpunnar vegna sem sat fyrir á myndinni í bæklingnum.  Að vera aðeins 14 ára og líkt við klámstörnu er bara ófyrirgefanlegt og ekki ljóst hvaða afleiðingar þetta mun hafa fyrir hana í framtíðinni.  Spurning hvaða rétt foreldrar hennar hafa hreinlega gegn þvílíku fyrir hennar hönd og þá er ég að tala um hreint og klárt "meiðyrði" í því sambandi.  Kannski Kolbrún sem sálfræðingur geti nánar upplýst okkur um tilfinningar sem fara af stað við svona samlíkingu fyrir telpuna og hvaða afleiðingar félgaslega og tilfinningarlega þetta getur haft?  Er þetta komið út í eitthvað sem kemur nærri misnotkun í einhverrri mynd?