Ókeypis lögfræðiaðstoð mun sannarlega nýtast mörgum innflytjendum ekki hvað síst konunum

Lögrétta, félag laganema við HR ætlar að bjóða innflytjendum ókeypis lögfræðiaðstoð í Alþjóðahúsi. Þessu ber að fagna. Ásamt því að upplýsa innflytjendur um réttarstöðu sína á Íslandi þá er hópur kvenna á hverjum tíma sem þarfnast ráðleggingar og lögfræðiaðstoðar er varðar hjúskparrétt og forsjár- og umgengnismál.  
Aðilar beggja vegna borðs munu græðu á þessu framtaki; lögfræðinemarnir öðlast dýrmæta reynslu og innflytjendur fá lögfræðiaðstoð sem þeir að öðrum kosti myndu jafnvel ekki geta sótt sér bæði vegna þess hversu kostnaðrsöm hún er og einnig vegna þess að þeir vita e.t.v ekki hvert þeir eiga að leita. 
Ókeypis lögfræðiþjónusta ásamt því að bjóða innflytjendum upp á íslenskunám þeim að kostnaðarlausu hlýtur að vera kjarninn í stefnu okkar Íslendinga í innflytjendamálum.

Athugasemdir

[Ásthildur Cesil Þórðardóttir, 18.3.2007 kl. 16:25]

Já það er örugglega ekki vanþörf á þessu.  En þarf ekki að benda erlendum konum á þennan möguleika ? Ég veit til dæmis um eina sem lenti í samlöndu sinni.  Sem hirti af henni launin og sendi hana í vændi.  Eflaust er margt í gangi sem við höfum ekki hugmynd um, og ekki eru það allt karlar sem eru illvirkjarnir. 

[Inga Lára Helgadóttir, 19.3.2007 kl. 11:37]

Æðislegt, þessu tek ég fagnandi, ég var einmitt á kynningu í Alþjóðahúsi um daginn, þar sem ég var á vegum félagsráðgjafanámsins, en þar var einmitt talað um konur sem vita ekki sinn rétt, skilja jafnvel ekki undir hvað þær eru að skrifa þegar þær eru að gefa samþykki fyrir einhverju og sv.fr.

Fyrir mér er allt sem heitir að bæta málefni útlendinga að hinu betra, fyrir okkur öll þá

[Inga Lára Helgadóttir, 19.3.2007 kl. 11:38]

Ég var sjálf einmitt að skrifa um útlendinga á bloggið mitt áðan.......