Lögreglan fór um í flokkum í miðbænum í kvöld.

Lögreglan gekk um í miðbæinn í kvöld og fóru saman í hópum. Þeir voru vel sýnilegir í gulu og svörtröndóttu vestunum sínum.

Mikið var gaman að sjá þetta. Ég þori að veðja að flestir ef ekki allir gestir miðbæjarins í dag og í nótt verða til mikillar fyrirmyndar  enda þora þeir ekki annað þar sem lögreglan okkar er mætt á svæðið og gefur ekkert eftir ef einhver ætlar að abbast upp á einhvern annan.

Það er um að gera fyrir lögregluna að vera nógu margir saman sérstaklega á álagskvöldum eins og nú í kvöld og í nótt. Starf lögreglunnar er krefjandi og því fylgir andlegt álag.  Í starfi sem þessu má gera því skóna að auðvelt sé að brenna út. Ef lögreglamaður/kona  lendir oft á alvarlegum átökum eða aðstæðum þar sem hann stendur frammi fyrir ógn eða ofbeldishegðun setur það sitt mark á tilfinningarlífið og hefur áhrif á starfsánægjuna. Þess vegna má ekki gleyma að hlúa að þeim vösku mönnum og konum sem gefa sig þessu mikilvæga starfi.

Athugasemdir

[Marta B Helgadóttir, 19.8.2007 kl. 01:39]

tek undir þetta.

[Sigurður Þór Guðjónsson, 19.8.2007 kl. 09:30]

Þegar ég las upphafið á þessari færslu ls ég fyrst ósjálfrátt í upphafi annarar málsgreinar: "Þeir voru vel vopnum búnir"... en nei, þetta er ekki alveg komið á það stig. Les nú í fréttum að mikil ölvun hafi verið í nótt í bænum. Það þykir mér nú ekki að vera til fyrirmyndar.

[Kolbrún Baldursdóttir, 19.8.2007 kl. 09:53]

Nei það er satt, en vonandi komust allir heim óskaddaðir.
Hef reyndar ekki heyrt fréttir í morgun.