Kínverjar í góðum félagsskap

Það að stærsti íþróttaviðburður heims sé haldinn í Kína getur haft góð áhrif á kínverska alþýðu og samfélagið allt.  Aukin tengsl er einmitt eitt grundvallaratriði þess að hægt sé að koma áleiðis jákvæðum skilaboðum sem e.t.v. kunna að festa sig í sessi. Með því að rjúfa einangrun eins og hægt er, ná jákvæðar fyrirmyndir að hafa áhrif og hver veit nema það leiði til þess að lagður verði grunnur að breytingum til góðs.

Af því sem maður les um undirbúning Leikanna í Peking leggja Kínverjar mikla áherslu á að vera góðir gestgjafar. Þeir vilja að Leikarnir gangi snurðulaust fyrir sig svo vænta megi hróss frá öðrum þjóðum. 

Kínverjar eru að mínu viti gríðarlega duglegt fólk. Þeir sem hafa kynnst Kínverjum ber flestum saman um að þeir séu gott fólk, greiðviknir og ljúfir í framkomu. Lífsbarátta margra  hefur verið hörð og menningin bíður ekki upp á neitt kvart og kvein. Þjóðin hefur lengi liðið fyrir ömurlega stjórnarhætti sem fela í sér harðneskju og mannréttindabrot.

Nú fóstra Kínverjar Ólympíuleikana og hver veit nema eitthvað gott komi út úr því fyrir kínversku þjóðina.

 

 

Athugasemdir

[Sólveig Kristín Gunnarsdóttir, 4.8.2008 kl. 15:39]

Ég er ansi hrædd um ad thetta breyti ekki miklu, thú sért hvad their reyna ad stýra fréttum. Madur getur vonad thad besta, en ég er moderat bjartsýn.

[Svanur Gísli Þorkelsson, 4.8.2008 kl. 17:33]

Hverju lofuðu Kínverjar þegar þeir fengu umboðið til að halda leikana? 1. Að auka mannréttindi í Kína. 2. Að láta lausa úr fangelsi alla friðasama mótmælendur. 3. Að gefa kínverksum og erlendum blaðamönnum fullt frelsi til að tjá sig. 4. Að draga úr dauðarefsingum og innleiða lög sem milduðu ákvæði dauðarefsingar. Samkvæmt skýrslu Amnesty International hefur ekkert af þessu gengið eftir þegar aðeins 10 dagar eru í leikanna. Talsmaður Amnsety International í Bretlandi Tim Hancock heldur því fram í blaðaviðatali í tengslum við skýrsluna sem gerð var af samtökunum um efndir Kínverja á þessum loforðum að þeir hafi brotið gróflega á gildum Ólympíuleikanna og virt að vettugi þau skilyrði sem þeim voru sett fyrir sjö árum. Að auki er mengunin í Bejiing í dag fimm sinnum meiri en hæfilegt getur talist samkvæmt alþjóðlegum viðmiðunum. - Nýjustu fréttir herma að ef fer sem horfir, muni ólympíunefndin fresta eða aflýsa þeim greinum sem mest verða fyrir áhrifum af menguninni.

[Sæmundur Fróði (IP-tala skráð) 4.8.2008 kl. 18:47]

Ólympíuleikarnir í Peking eru stærsta áróðursýning síðan Ólympíuleikarnir Hitlers í Berlín voru haldnir 1936.

Ólympíuleikarnir í Peking eiga að sýnu hversu framsæknir og menningarlegir Kínverjar eru.  En þessi sýning hefur hinsvegar kostað blóð, svita tár, dauða, fangelsanir og vinnu milljóna manna í þrælakistum Kinverskra stjórnvalda.

Með þessari sýningu vonast Kínverjar til að verða blástimplaðir sem friðsælt menningarríki í samfélagi þjóðanna sem þeir eru alls ekki.  Kínversk stjórnvöld styðja stjórnvöld í Súdan sem nauðgar og drepur fólk í Darfur, Kínverjar styðja vitleysinginn Mugabe sem hefur eyðilagt Zimbawe, og að auki styðja Kínverjar stjórnvöld í Íran í viðleitni þeirra til að koma sér upp kjarnorkuvopnu.