Magnús Þór skorar á Sigurð Kára að vera næstur á bekkinn

Þátttöku í skoðanakönnun um val á nafni þáttarins er lokið. Mikill meirihluti var á því að þátturinn ætti að heita það sem hann var skírður í upphafi eða
Í nærveru sálar.

Á mánudaginn næstkomandi verður sendur út þátturinn með Magnúsi Þór Hafsteinssyni.
Í viðtalinu leyfir hann okkur að kynnast sér nánar með því að veita innsýn í hugarheim sinn, sálarlíf og daglega tilveru.
Hverjir styrkleikar, veikleikar, stóráföll, mistök og stórsigrar Magnúsar eru, kemur í ljós á mánudaginn.

Í lok þáttarins skoraði Magnús á Sigurð Kára Kristjánsson að koma næstur á bekkinn.

Athugasemdir

[Ása (IP-tala skráð) 18.9.2008 kl. 21:09]

Vá - segir fólk alveg frá öllu sem það hefur lent í í útvarpinu? Það þarf mikið hugrekki til þess. Held ég þurfi að fara að virkja litla ipodinn minn og hlusta meira á útvarpið...leitt hvað ég gef mér alltaf lítinn tíma í umhverfið....

[Kolbrún Baldursdóttir, 18.9.2008 kl. 22:16]

ÍNN er reyndar sjónvarpsstöð Ása mín, rás 20 núna eftir að Síminn sendir hana út.
Fólk velur vissulega um hvað það vill tala og hversu opinskátt það vill vera um sín mál þegar það segir frá sjálfum sér opinberlega. Eins og þróunin hefur verið undanfarin ár finnst mér reyndar fólk hafa færst í þá átt að vilja tala um mjög persónuleg málefni fyrir opnum dyrum.