Sjósund er shockmeðferð

Það nýjasta nýtt er að skella sér í sjósund.  Hópur fólks stundar það nú að fara í ískaldan sjóinn og synda. Viðbrögð líkamans við skyndilegum kulda hlýtur að vera shock?

Er þetta heilsusamlegt?
Já, kannski fyrir þá sem eru stálhraustir.
En hvað með þá sem hafa einhverja heilsufarslega veikleika t.d. veikt hjarta eða aðra sjúkdóma?
Þeirri spurningu verða aðrir en ég að svara.

Líkamshitinn er venjulega um 37 gráður en sjórinn t.d. í Nauthólsvík hlýtur að vera 10 gráður eða kaldari.  Þegar hann er kaldastur fer hann jafnvel niður í (og niður fyrir) frostmark. Ég veit svo sem ekki hvort sjóbaðsunnendur stunda sjósund um hávetur þegar sjórinn er svo kaldur.

Við það að skella sér til sunds í svo köldum sjó má gera ráð fyrir að heilinn taki viðbragð og sendi út skilaboð um að varðveita skuli líkamshitann eins og hægt er. Húðin lokast, vöðvar dragast saman og einhvers konar shockástand myndast.  Halda þarf brjóstinu heitu umfram allt sem og öðrum mikilvægum líffærum. 

Sjósund kann að hafa sína kosti. Kannski styrkir svona shockmeðferð líkamann, gefið að hann sé heilbrigður. Með styrkingunni eykst þol og þá stenst líkaminn jafnvel enn betur áreiti og álag (sjúkdóma og streitu)?

Vitað er, að það er flestum hollt að reyna eitthvað á sig, púla og svitna.  Rannsóknir hafa sýnt að það er gott fyrir líkamskerfið að koma púlsinum upp og leyfa allri vélinni að vinna.
Að henda sér til sunds í ískaldan sjó kann að gera sama gagn?

Sálrænu áhrifin við sjósund er ekki erfitt að skilja. Að synda í hinu víðáttumikla hafi, öldurótinu og briminu er án efa magnað. Upplifunin leysir úr læðingi orku og afl og eins og einhver sagði, tíminn annað hvort stöðvast að er einfaldlega ekki til.
Hvað sem þessum vangaveltum líður, óska ég sjósundfólki góðrar skemmtunar í sjónum. 

 

Athugasemdir

[Sigríður Gunnarsdóttir, 27.9.2008 kl. 21:59]

Er fólk ekki bara að bregðst við kreppunni; frítt í sjóinn?? Tíu brjálaðir hestar gætu ekki dregið mig í sjósund.

[Kolbrún Baldursdóttir, 28.9.2008 kl. 08:56]

Það hefur lengi tíðkast meðal Finna að gera eitthvað ámóta svo sennilega eru nú fræðin að baki þessu atferli jákvæð.

[Jóhanna Magnúsar- og Völudóttir , 28.9.2008 kl. 17:18]

Ég er nýkomin úr rannsókn hjá Hjartavernd, með toppeinkunn, svo ég hef líklegast enga afsökun til að prófa þetta ekki! Fólk lætur það vel af þessu að ég held það sé þess virði a.m.k. að reyna.

Einhver sagði "The best things in life are free" þetta er kannski einn af þessum hlutum.

[Birna Dis Vilbertsdóttir (IP-tala skráð) 29.9.2008 kl. 16:14]

Vinkona mín ein stundaði sjósund í nokkur ár.Núna lætur hún sér nægja að synda í Jökulsárlóni.Á milli ísjakana.birrrrrrrrrrrrrrrrrrrrrrrrrrr