Bankastjórar á ráðherralaunum og gæti fagmennsku í ráðningum millistjórnenda

Hvað er eðlilegt og sanngjarnt þegar kemur að launamálum?

Hvaða störf eru það sem við metum svo mikils að greiða eiga fyrir þau hæstu launin í landinu?

Eru það störf ráðherra, alþingismanna eða bankastjóra?

Fyrir mitt leyti finnst mér óeðlilegt að laun bankastjóra ríkisbankanna séu hærri en ráðherralaun.
Er eðlilegt og sanngjarnt ef tekið er mið af umfangi og ábyrgð sem kröfur starfsins gera að bankastjórar ríkisbankanna séu með 1. 7 milljón í laun á mánuði þegar ráðherrar eru með eitthvað í kringum eina milljón krónur á mánuði?

Ég get ekki meðtekið þau rök að ef laun bankastjóranna verði lægri en þetta fáist ekki hæfir aðilar til starfans.

Á Íslandi er aragrúi af fólki með gríðarmikla menntun á sviði peningamála: hagfræðingar og viðskiptafræðingar sem auk þess hafa bæði langa og góða reynslu. Þetta fólk vill margt hvert gjarnan sjá bankastjórastarf á sinni ferilskrá.

Annað sem ég nú velti fyrir mér þegar verið er að skoða allt og alla og það er að nýir bankastjórar og skilanefndir bankanna gæti þess vandlega að velja fólk í stöður millistjórnenda sem hvað hæfast í störfin og forðist eins og þeir mögulega geta að velja vini sína og vandamenn enda þótt þeir séu e.t.v. einnig ágætlega hæfir.

Í ljósi atburða gerir ég ráð fyrir að margir krefjist þess að gætt verði hundrað prósent fagmennsku þegar kemur að ábyrgðarstöðum.

Athugasemdir

[Carlos Ferrer (IP-tala skráð) 26.10.2008 kl. 21:29]

Þakka þér fyrir að setja málið fram með þessum hætti, Kolbrún. Vona að þessi endurskipulagning bankakerfisins sem þú sérð fyrir þér nái líka til stjórnmálaflokkana.

[Jóna Kolbrún Garðarsdóttir, 27.10.2008 kl. 02:29]

Gömlu bankastjórarnir höfðu margföld laun, nýju bankastjóranna meðal annars vegna gríðarlegrar ábyrgðar.  Hvar er sú ábyrgð í dag?  Hvaða ábyrgð bera þessir nýju bankastjórar?  Þetta er náttúrulega algjör skandall.