Birna skammar Kolbrúnu Bergþórsdóttur í Mogganum í dag

Í Morgunblaðinu í dag lætur Birna Þórðardóttir vaða og ljóst er af efni greinar hennar
Af oflæti Morgunblaðspistlahöfundar að ákveðin pistlaskrif Kolbrúnar Bergþórsdóttur hafa farið fyrir brjóstið á henni. Birnu finnst Kolbrún skrifa af hroka um mótmælendur og mótmælin.

Ég hef stundum lesið pistla nöfnu minnar en las ekki þennan sem hér um ræðir.
Pistlar blaðamanna eru afar misjafnir og sýnist sjálfsagt sitt hverjum um efnisval og efnistök hverju sinni.

Fastráðnir pistlahöfundar fá laun fyrir að skrifa um skoðanir sínar og viðhorf á ýmsum málum.  Ef þeir koma engu á blað fá þeir ekki greitt.
Skyldi hvatinn sem liggur að baki skrifunum ekki skipta einhverju máli?

Ég er hins vegar sammála Birnu í þessari grein hennar í Mogganum í dag þar sem hún segir að góður blaðamaður á að kynna sér mál enda hlýtur það að vera meginhlutverk blaðamannsins, að kynna sér mál frá ólíkum sjónarhornum og koma upplýsingunum á sem óbrenglaðastan hátt til lesenda.

 

 

Athugasemdir

[Hlédís, 23.12.2008 kl. 21:27]

Kolbrún skrifar stundum af furðulegum hroka. Fyrir alllöngu sló konan því, td, fram að EINELTI væri ekkert vandamál - að fólk gerði of mikið úr því.  Getur blaðamaður sýnt öllu einfeldningslegri hroka?

[Ragnar Gunnlaugsson, 23.12.2008 kl. 22:33]

Kolbrún Bergþórsdóttir er einn besti penni, ég les alla hennar pistla og finnst fengur í að hún skuli skrifa í Morgunblaðið. Mér finnst hún afar rétt hugsandi lætur pólitík ekki ráða sínum skrifum.

Tek aftur á móti lítið mark á Birnu Þórðar,þar ræður pólitíkin för en ekki skynsemi.

[Jóhannes Ragnarsson, 24.12.2008 kl. 10:18]

Það er öldungis rangt hjá þér, Ragnar Gunnlaugsson, að Kolbrún Bergþórsdóttir láti ekki pólitík ráða sínum skrifum því það gerir hún nefnilega.

Svo er rétt að halda til haga, að hroki er oftar en ekki byggður á heimsku í bland við aðrar neikvæðar tilfinningar.