Traustvekjandi rannsóknarnefnd

Rannsóknarnefnd Alþingis er tekin til starfa. Nefndina skipa Tryggvi Gunnarsson, umboðsmaður Alþingis, Páll Hreinsson, hæstaréttardómari og Sigríður Benediktsdóttir, kennari við hagfræðideild Yale-háskóla.

Hlutverk nefndarinnar er að rannsaka aðdraganda og orsakir falls íslensku bankanna árið 2008 og tengdra atburða. Nefndinni er einnig ætlað að leggja mat á hvort um mistök eða vanrækslu hafi verið að ræða við framkvæmd laga og reglna um fjármálastarfsemi á Íslandi og hverjir kunni hugsanlega að bera ábyrgð á því.

Allir þessir aðilar virka traustvekjandi og held ég að ferill þeirra sé að öllu leyti glæstur.
Nefndin er sjálfstæð, óháð og tekur ekki við fyrirskipunum.
Frábært

Athugasemdir

[Ásdís Sigurðardóttir, 10.1.2009 kl. 19:16]

Ég mun fylgjast vel með störfum þessarar nefndar og vona svo sannarlega að þeir standi undir væntingum okkar.  Kveðja og góða helgi.

[Carlos Ferrer (IP-tala skráð) 11.1.2009 kl. 06:54]

Hljómar vel, en mig langar að sjá skipunarbréfið. Máli skiptir hvort nefndin hefur frelsi til að rannsaka frjást eða hvort henni er sniðinn stakkur.

[Ágúst H Bjarnason, 11.1.2009 kl. 14:19]

Það eru góðar upplýsingar um nefndina á vefsíðuhennar www.rannsoknarnefnd.is