Söngvakeppnin. Austur-Evrópuþjóðirnar styðja hver aðra.

Svona fór það með undanúrslitin. Eurovision hefur ekki lengur pláss fyrir noðurlandaþjóðirnar. Austur-Evrópuþjóðirnar hafa tekið yfir. Hvorki Ísland, Noregur né Danmörk komust áfram þrátt fyrir þrusugóð lög og þá sérstaklega íslenska lagið.

Eiríkur og félagar voru frábærir, óaðfinnanlegir en það greinilega skiptir engu máli. Þetta telst varla áfall því það er svo áberandi hvaða öfl eru þarna að verki. Lagið virðist bara litlu eða jafnvel engu máli skipta.
Ég velti fyrir mér hvort við eigum að vera að taka þátt í þessari keppni yfir höfuð? Hún kostar okkur mikið fé. Auðvitað er þetta gaman en þegar maður upplifir einhvernveginn að hér er ekki um alvöru keppni að ræða þá fer allur ljóminn af þessu.

Athugasemdir

[Sveinhildur Torfadóttir, 10.5.2007 kl. 21:58]

Það var vitað fyrirfram að Austur Evrópu þjóðirnar myndu allar komast áfram. Þetta hefur verið svona síðustu ár! Og já, Ísland ætti að sjá sóma sinn í því að hætta þessu bara. Við munum aldrei komast áfram. Það er bara einföld staðreynd. 

[Geiri (IP-tala skráð) 10.5.2007 kl. 22:23]

Lýst ekki vel á það að fá dómara aftur en tel þó mikilvægt að henda núverandi kerfi og breyta þessu algjörlega. T.d. hafa keppnina í þremur þrepum: Fyrst innanlands, svo svæðiskeppni (Evrópu skipt í 3-4 hluta) og svo lokakeppni með u.þ.b. 15 lög (4-5 frá hverju svæði). Svæðiskeppnirnar yrðu þá eingöngu sýndar í þeim löndum sem eru innan þess og lokakeppnin yrði sú eina sem öll löndin fylgjast með. Breytingar eru mikilvægar á næstu árum svo að austurlandaþjóðirnar nauðgi þessu ekki ár eftir ár.

[Sigfús Sigurþórsson., 10.5.2007 kl. 23:37]

Sammála því, við eigum engan séns þarna. Ég var búinn að tilkynna öllum að við yrðum sko í topp 5 sætunum, og núna er ég bara alveg niðurbrotinn maður og þori ekki að láta sjá mig neinstaðar, sagði áðan að ég ætlaði ALDREI aftur að hlusta á Eurovsion,, ja nema kannski á laugardaginn.

[Andrés.si, 11.5.2007 kl. 02:37]

Ekki vissi ég að Tyrkland er svo austur að koma ínn í mynd austurlanda þjóðir. Ekki er það heldur Slóvenía, Serbía, Makednónia.  

[María Anna P Kristjánsdóttir, 11.5.2007 kl. 08:19]

Við megum ekki gefast upp, Íslendingar eru ekki þekktir fyrir það.

[Sigurður Viktor Úlfarsson, 11.5.2007 kl. 11:06]

Eiríkur var lélegur og þess vegna komumst við ekki áfram.  Mætum spræk næsta ár og gerum betur í stað þess að kvarta og kveina yfir því að allir séu vondir við okkur.

[Ásthildur Cesil Þórðardóttir, 11.5.2007 kl. 13:48]

Ég er sammála því að hér sé um baráttu að ræða en ekki keppni.  Eiríkur stóð sig mjög vel, og lagið var flott.  En við skulum sjá hvort við sitjum ekki uppi með eintóm lög að austan eftir morgundaginn.  Þó verður að segjast eins og er, að mörg lög þeirra eru mjög góð.  Og áttu skilið að komast áfram.  En ef við fáum það á tilfinninguna að það sigri engir aðrir en austantjaldslöndin héðan í frá, þá er ég hrædd um að spennan fari úr sögunni. 

[Kolbrún Baldursdóttir, 12.5.2007 kl. 14:31]

Fannst ykkur hann lélegur í alvörunni? Þá hef ég ekki mikið vit á þessu. Mér fannst þetta takast svo vel. Engin mistök eða neitt. En svona er mismunandi upplifanir á þessu sem öðru.