Stjórnarviðræður: Spennan færist í vöxt

Ég hlakka til að vakna á hverjum morgni svo spennt er ég að heyra fréttir af ríkisstjórnarviðræðunum. "Enn er ekkert öruggt í stjórnarviðræðum" les maður á síðum dagblaðanna. Oftast heyrir maður þó að líkurnar á áframhaldandi stjórnarsamstarfi Sjálfstæðisflokks og Framsóknar séu all verulegar, já og jafnvel bara heilmiklar.

Ég met það þó svo að enn getur allt gerst í þeim efnum. Það sem mér finnst þó hljóti að vera alveg skothelt er að Sjálfstæðisflokkurinn verður í ríkisstjórn og Geir Haarde verður forsætisráðherra. En hvaða annar flokkur eða aðrir flokkar ef því er að skipta komast um borð finnst mér enn óráðið.  Auðvitað eru þetta allt getgátur en það er einfaldlega gaman að velta vöngum yfir þessu.

Ég held jafnframt að það sé mjög gott að láta nokkra daga líða nú áður en tekin er endanleg ákvörðun í þessu efni. Hlutirnir eru svona að mjatlast, þjóðin að átta sig á kosningarniðurstöðunum og alþingismenn sem og aðrir að hvíla sig eftir annasama helgi. Framsóknarmenn eru líka að melta þennan ósigur og skoða hvað þeir vilja gera með hann. Þess vegna tel ég það vera af hinu góða ef ekkert verður neglt niður næstu daga. Fjölmiðlafólkið virðist þó ekki hafa mikla þolinmæði að bíða frétta. Þeir eru eins og mý á mykjuskán í kringum formennina ef þeir svo mikið sem sjást í dyragættinni. Við verðum bara að vera þolinmóð, þetta kemur allt og verður fyrir víst á einn eða annan veg.  

Athugasemdir

[Auðun Gíslason, 16.5.2007 kl. 23:03]

Hvaða spenna?

[Óskar Helgi Helgason (IP-tala skráð) 17.5.2007 kl. 01:20]

Heil og sæl, Kolbrún fyrrum ágæti Stokkseyringa uppfræðari !

'' Hvaða spenna ?'' Er nema von, að Auðun spyrji. Er það eitthvert sáluhjálparatriði, að Sjálfstæðisflokkurinn verði í næstu ríkisstjórn; og Geir H. Haarde verði forsætisráðherra ? Var ekki nóg komið, af sóðaskap fráfarandi stjórnar, vatnið gæðingavætt- okkur reykingamönnum hent út af veitinga- og gistihúsum, og margur annar óskundi. Hvenær skyldu landsmenn borga toll, fyrir að fara á náðhúsið; Kolbrún mín, jah...... eða þá að draga andann, almennt ? Nei, nóg komið, af hinum kapítalízka sóðaskap, í okkar samfélagi, bezt væri, að fá góða fasízka herstjórn; og losna við helvítis hvítflibba hjörðina, í eitt skipti fyrir öll. Vel gekk, á Spáni; þá Franco hershöfðingi réð þar ríkjum, á sinni tíð.

Með beztu kveðjum / Óskar Helgi Helgason