Össur ræðst á Gísla Martein

Manni setur hljóðan að hlusta á þá útreið sem Gísli Marteinn, borgarfulltrúi Sjálfstæðisflokksins fær hjá Össuri Skarphéðinssyni, iðnaðarráðherra Samfylkingarinnar.

Hvað vakir fyrir Össuri með þessum skrifum sem hreinlega virðast sett fram í þeim tilgangi einum að jarða pólitískan feril Gísla Marteins?

Samkvæmt fréttum hefur engin viljað tjá sig um þessi ummæli og Gísli Marteinn sjálfur virðist heldur ekki hafa þörf fyrir varnir.

Af hverju er Össuri svona uppsigað við Gísla Martein fyrir utan það að honum kann að hafa mislíkað aðkoma hans að ákvörðun um að fækka mávum við Tjörnina?

Athugasemdir

[Ásdís Sigurðardóttir, 20.2.2008 kl. 20:09]

Ég hef ekki lesið þetta en læta fréttirnar af þessu duga mér. Mér finnst þetta ömurlega leiðinlegt að þingmenn hagi sér svona.

[Valsól (IP-tala skráð) 20.2.2008 kl. 20:38]

Þetta er m.a. ástæðan fyrir því að ég kaus Ingibjörgu sem formann en ekki Össur, því maðurinn getur ekki haldið kj.

[Sigurjón Þórðarson, 20.2.2008 kl. 21:27]

Er þetta bara ekki meðvitað hjá Samfylkingunni að auðmýkja Sjálfstæðisflokkinn þegar hann stendur höllum fæti, til þess að reyna að ná forystuhlutverki í íslenskum stjórnmálum? 

Ég held það í og með - Össur er óvitlaus.

[Halla Rut , 20.2.2008 kl. 21:33]

Þetta var svakalegt. Eitt orð yfir það.

Svona vill ég ekki hafa Ísland, ég vil að við berum virðingu fyrir hverju öðru og séum kurteis, sama hvaða skoðanir við kunnum að hafa.

[Lýður Pálsson, 20.2.2008 kl. 23:57]

Svona næturblogg er ekki svaravert!

[Bumba, 21.2.2008 kl. 00:54]

Komdu sæl frú Kolbrún. Ég spyr mig þessarar sömuspurningar. Þetta er alveg ótrúlega fáránlegt og síðast en ekki sízt að maðurinn er í valdastöðu í Íslenzkum stjórnmálum. Ég hef aldrei lesið nokkuð jafn illgirnislegt og er það líkara fársjúkum manni á geði að skrifa svona frá sér, allavega að láta birta svona paranoia ranghugmyndir. Össur ætti að taka sig í naflaskoðun. Með beztu kveðju.

[Heimir Lárusson Fjeldsted, 21.2.2008 kl. 07:53]

Næturblogg Össurar hefur áður komist í almæli og var honum heldur ekki til sóma þá.

[Ingibjörg Friðriksdóttir, 21.2.2008 kl. 10:54]

Ég segi sama og Valsól, svona vinnubrögð eru engum til sóma, ég mun kvarta við rétta aðila, búin að senda honum sjálfum orðsendingu.

Það er alls ekki svona sem Samfylkingarfólk vill láta vinna. M.a. þessvegna kaus ég Ingibjörgu Sólrúnu, og ég bendi á Dag B. Eggertsson og Stefán Jón Hafstein, og enn fleiri.

Ég mun krefjast þess að Össur taki þessi orð til baka, það sæmir ekki ráðherra að vera með illgirni af þessu tagi.

Þetta eru ósæmandi vinnubrögð, og við eigum ekki að líða þau.

[Gestur Guðjónsson, 21.2.2008 kl. 11:53]

Össur gerir það yfirleitt að hrósa þeim pólitísku andstæðingum sem hann hræðist ekki, en ráðast á þá sem hann sér efni í til að geta staðið í hárinu á honum síðar.

[Flosi Kristjánsson, 21.2.2008 kl. 14:23]

Talsmáti sá sem verið er að amast við er manni á þessum aldri og í þessari stöðu engan veginn samboðinn. Tilgáta Gests er ágæt - en ég er hræddur um að ofurbloggarinn sé ekki markvisst að níða einn eða neinn niður, heldur sé hann bara fullur af svefngalsa.

Gísli Marteinn líður hins vegar fyrir það að vera ekki eins og kústskaft hafi verið rekið upp með hryggsúlunni á honum, eins og staðalstjórnmálamaður á Íslandi þarf helst að vera til að teljast trúverðugur. Lifandi og glaðvært viðmót hans minnir einna helst á Tony Blair og það gæti rænt ráðherrann svefnró. Gísli er nefnilega í vitlausum flokki!