Lestarkerfi í Reykjavík

Ég fagna því hversu mikill kraftur hefur færst í umræðuna um lestarkerfi í Reykjavík og vísa í því tilefni til færslunnar „Reykjavíkurlestin“ sem birtist hér á bloggsíðunni 2. febrúar s.l.

Í gær var grein í Mbl. sem bar titilinn Reykjavíkur-metró.  Í henni segir „að léttlestir séu lakari kostur en Strætó og að metró og skutlubússar séu það eina sem vit er í.“

Mér finnst þessi umræða mjög spennandi.

Það hlýtur að vera mikilvægt að greina á milli í umræðunni lestir sem eru á eigin spori og lokaðar frá annarri umferð og síðan sporvagnakerfi þar sem lestarvagnarnir eru á sömu götum og bílarnir.
Það síðarnefnda mun varla henta hérna.  Þegar talað er um ,,léttlestir" lítur stundum út sem verið sé að tala um sporvagnakerfi. 

Maður skyldi halda að það  sé eðlilegt að setja lest í stokk (metró) þar sem ekki er pláss fyrir hana ofanjarðar. Ef litið er til nágrannaborga má sjá að í þéttbýli, þar sem ekki er pláss fyrir teina eru lestar settar neðanjarðar en að öðrum kosti eru þær á yfirborðinu.  Ef við lítum til borga eins og London og Kaupmannahafnar má sjá þetta fyrirkomulag.  Lestir eru neðanjarðar í miðbæjunum þar sem ekki er pláss fyrir þær ofanjarðar en annars eru teinarnir lagðir ofanjarðar.

Ef til lestarsamgangna kæmi hér á landi má vel gera ráð fyrir að sama lögmál myndi gilda um miðbæ Reykjavíkur og um miðbæi nágrannaþjóða okkar.   Hægt að sjá fyrir metró undir Þingholtunum og í Kvosinni en síðan t.d. ofanjarðarteina á eyjunni milli akreina meðfram Miklubraut og austur borgina og víðar er fjær dregur.

Jafnvel neðanjarðarlestir (metró) eru ódýrari kostur en umferðarmannvirki með mislægum gatnamótum auk þess sem þær taka miklu minna pláss.  Bílagöng eru dýr og án efa mun dýrari en lestargöng.  Bílagöng eru bæði stærri og þurfa loftræstingu og lýsingu langt umfram lestargöng.

Þetta allt þarf virkilega að íhuga vel og vandlega ef á annað borð á að skoða möguleikann á lestarsamgöngum í Reykjavík.

Athugasemdir

[Ásthildur Cesil Þórðardóttir, 3.3.2008 kl. 20:59]

Sammála þér með neðanjarðarlestir, af hverju ekki hér eins og í nágrannalöndunum, það er frábært kerfi í Vín til dæmis, og nú nýlega lögðu danir neðanjarðarlest frá flugvellinum niður í miðbæ, það sem tók minnir mig um klst áður tekur nú aðeins 17 mín.  miklu ódýrara og einfaldara á allan hátt. 

[Ásdís Sigurðardóttir, 3.3.2008 kl. 23:01]

Nú er bara að drífa í lestarsmíðum, tími til kominn

[Marta B Helgadóttir, 4.3.2008 kl. 13:16]

Ég er svo mikið sammála þessu. Mikið vildi ég fá lestir í Rvík

[Heimir Lárusson Fjeldsted, 4.3.2008 kl. 13:20]

Við notum bílinn sem yfirhöfn í verslunarferðum sem öðrum skottúrum, en myndum við lestarferðir í Krónuna?

[Haraldur Haraldsson, 4.3.2008 kl. 14:35]

Hefur sálfræðingurin mikið pælt i það ,sem við mundum lostna við það sem hrjáir fólk við að lokast þarna inni um langan tima, þar aég við lestir neðanjarðar/sem gæti orðinð ansi oft/Halli gamli

[Kolbrún Baldursdóttir, 4.3.2008 kl. 14:46]

Nei Halli minn, sálfræðingurinn hefur ekkert pælt í því

[Þorsteinn Valur Baldvinsson, 5.3.2008 kl. 09:14]

Held að lest á einteinung sé skásta lausnin, en vel er hægt að keyra hana niður í stokk þar sem það hentar, og gera göng líka ef hentar.

Aðalatriðið er að fá erlenda aðila með reynslu til að gera kostnaðaráætlunina, og ekki að fara að reikna létt lestakerfi upp sem lestakerfi fyrir þungaflutninga á sporum.

Þekki ekki forsendur síðustu útreikninga, en mér hefur verið sagt að menn hafi einfaldlega reiknað þetta út af borðinu.

Það er töluverður munur á stofn og rekstrarkostnaði lesta fyrir létta farþegaflutninga á einteinung í lofti, sem er borin uppi af súlum, eða á þungaflutningalest á jörðu sem kallar á meiriháttar vegagerð og tilheyrandi gatnamannvirki, svo ekki sé talað um rekstrarkostnað, selja má veitustofnunum rými fyrir strengi inn í svona einteinung, til dæmis ídráttarrör fyrir rafstrengi og eða ljósleiðara ofl slíkt, öll svona atriði breyta forsendum útreikninga.

Að sjálfsögðu er þetta bara spurning um hvaða forsendur eru gefnar í upphafi svona útreikninga, og hvort reiknað er inn verðmæti byggingarlóða og landrýmis, sem þetta getur sparað og eða frelsað undan umferðarmannvirkjum, minnkandi mengunar og fleiri atriða.

Finnst alveg vera grundvöllur fyrir að efna til samkeppni um þetta mál, fá inn tillögur um hönnun og legu brautar, gerð lestar, ásamt áætlun um stofn og rekstrarkostnað.

Við efnum til samkeppni á ýmsum sviðum og ég held að samkeppni um þetta mál væri gefandi fyrir alla aðila, væri jafnvel hægt að opna fyrir tillögur um framtíð Reykjavíkurflugvallar sem viðhengi.

[Kristín Katla Árnadóttir, 5.3.2008 kl. 10:56]

Ég er sammála þér Kolbrún mín.