La, la, la, la....og það reddast.......! Nú fylkjum liði og leitum lána!!!

Á hvaða mið skal róa?
Mitt í ólgandi sjó.
Einhliða evra eða ESBé.
Sáttir sumir við hverslags fé,
sem bjóðast þeim til handa.
Miðla sem á markaði sterkari standa.

Krónan gamla úrelt er,
Kauphöll hana vill kveðja.
Hvort evran sigur úr bítum ber.
Karpið og kveinið í eyrun sker
Á krónuna fáeinir veðja.
Hvernig svo sem það allt fer.

Krónan okkar kæra,
komin að tímamótum.
Óstöðug stendur á eigin brauðfótum.
Kollvarpar peningastefnu,
kúvendir verðlagi, skapar þenslu
Um miðilinn gjaldfallna skorta menn kennslu.

Gengið mönnum er tíðrætt um,
gamanið farið að grána
Trúin að tapast, hvað er til ráða?
Verðbólgumarkmið skjálfa!
vaxtastefnunni ógna.
Nú fylkjum liði og leitum lána

Var sko að horfa á Spaugstofuna

Athugasemdir

[Kristín Katla Árnadóttir, 9.3.2008 kl. 14:39]

Góð vísa hjá þér Kolbrún mín.

[Birna Dis Vilbertsdóttir (IP-tala skráð) 9.3.2008 kl. 18:12]

Skemmtilega ort hjá þér

[Ásdís Sigurðardóttir, 9.3.2008 kl. 21:00]

   flott vísa, eins gott að maður er hættur að þurfa að taka lán, á bara það sem maður á. Kær kveðja og góða vinnuviku

[Ásthildur Cesil Þórðardóttir, 10.3.2008 kl. 11:27]

Flott vísa, ég missti af Spaugstofunni, þarf að sjá hana í tölvunni.