Lík óskast...

Ef þú ert að deyja, má ég, þegar þú ert dáinn fá þig lánaðan til að...??

Eitthvað í þessa veru hljómar þessi einmuna sérstaka auglýsing hans Snorra Ásmundssonar í Fréttablaðinu í dag.

Landsmenn hafa aldrei séð annað eins.

Möguleikarnir á því að vekja á sér athygli, jafnvel ögra eru sannarlega óteljandi og með þessari auglýsingu hefur Snorra tekist að komast milli tannanna á fólki svo um munar. Kannski er það megin tilgangurinn?

En segjum sem svo að ef hvatinn að baki auglýsingunni sé nú ekkert annað en eins og Snorri segir þ.e. að fá hráefni í listsköpun, tel ég að hún hefði haft trúverðugri áhrif hefði hún verið betur orðuð.

Að segja ef þú ert á grafarbakkanum hljómar eins og verið sé að gera hreint og klárt grín. Betra hefði verið að mínu mati að segja t.d:  ef þú ert deyjandi.

Einnig orðalag eins og  þarf á nokkrum líkum að halda liggur við að dragi upp mynd í huga manns af líkhrúgu. Svo er það orðalagið  skilað eftir notkun í sama ástandi  en það virka afar ógeðfellt og fyrir suma jafnvel tortryggilegt.  Strax kemur upp í hugann, HVERNIG NOTKUN?

Hvað sem þessu öllu líður þá er auglýsingunni beint til aðila sem veit að hann mun brátt deyja. Kallað er eftir persónulegu samþykki einstaklingsins.  Fái Snorri einhvern sem er deyjandi til að gefa samþykki sitt fyrir því að hann megi nota líkið eftir andlátið, þá má e.t.v álykta sem svo að þetta sé samningur tveggja aðila sem sé öðrum óviðkomandi.

Athugasemdir

[Ásta Kristín Norrman, 10.8.2008 kl. 10:51]

Það eru víst til einhver lög um hvað má gera við lík. til dæmis má ekki grafa þau eða dreyfa öskunni af þeim hvar sem er.

[Heidi Strand, 10.8.2008 kl. 12:32]

Takk fyrir góð grein um viðkvæmt mál.
Mér finnst þessa auglýsing vera mjög stuðandi.

Aðgát skal höfð.

[Beturvitringur, 10.8.2008 kl. 13:01]

Fegurðin er í augum þess er horfir, svo og ljótleikinn

[Kristján Sigurður Kristjánsson, 10.8.2008 kl. 18:03]

Það er mín skoðunn að þegar maður deyr þá deyr vilji hans með honum, lík hefur með öðrum orðum engan vilja eða "rétt". Þessi vilji eða réttur færist yfir á "líkhafanna" og er það þeirra að ráðstafa líkinu að sínum geðþótta burtséð frá "vilja" líksins eða einhvers vilja sem er um garð genginn með hinum látna. Þess vegna eru svokallaðar "arfleiðsluskrár" þar sem maður ánafnar einhverju eða einhverjum líkama sínum eða hluta af honum að sér látnum þýðingarlausar um leið og líf viðkomandi er um garð gengið.

Annað: Líkhafarnir eru samt bundnir almennu velsæmi, þannig hefur þetta verið sl. miljón ár.

[Birna Dis Vilbertsdóttir (IP-tala skráð) 10.8.2008 kl. 18:08]

Neikvæð athygli þykir sumum betri en enginn,ferlega finst mér þetta ósmekklegt hjá honum.Og fóðra það með því að þetta sé list

[Kristín Katla Árnadóttir, 10.8.2008 kl. 19:06]

Ég get ekki að því gert mér finnst þetta ljótt og siðlaust.

En hafðu það gott Kolbrún mín

[Emil Hannes Valgeirsson, 10.8.2008 kl. 19:37]

Ef ég þekki Snorra rétt sem listamann þá er þessi auglýsing lík-lega hluta af listaverkinu.

[Ásthildur Cesil Þórðardóttir, 11.8.2008 kl. 09:45]

Ég veit ekki hvað mér finnst um þetta, sá ekki auglýsinguna, bara umfjöllun um hana.  En ég er sammála þér að ef hann er að meina þetta, þá fer betur að orða hana eins og þú leggur til.  Annars er þessi maður óútreiknanlegur, svo það getur allt eins verið að þetta sé partur af listaverkinu.  þ.e. auglýsingin sjálf.  Gerð til að skapa viðbrögð. 

[Gulli litli, 11.8.2008 kl. 14:28]

Snorri er æringi...