Á gelgjunni á Flónni

Ég var á miðju gelgjuskeiðinu þegar ég sá Fló á skinni á Akureyri fyrir allnokkrum (mörgum) árum og allan tíman á meðan á leiksýningunni stóð,  stökk mér ekki bros.

Ég er nú komin yfir gelgjuskeiðið og rúmlega það og ætla í kvöld að gera aðra tilraun með Fló á skinni að þessu sinni í Borgarleikhúsinu.

Þá mun koma í ljós hvort gelgjunni var um að kenna eða hvort ég sé kannski bara sneydd allri kímnigáfu?

Gerist það aftur að mér stökkvi ekki bros á Fló á skinni sem mér skilst að sé með því fyndnara, þá er þetta reyndar spurning um hvort breytingarskeiðinu geti ekki verið um að kenna?

Seint mun ég vilja viðurkenna að ég hafi engan húmor en þessi skeið geta haft hin undarlegustu áhrif á geðið

Athugasemdir

[Kristín Katla Árnadóttir, 27.11.2008 kl. 17:35]

Ég vona í þetta skipti munt þú gaman af

[Kolbrún Baldursdóttir, 28.11.2008 kl. 09:39]

Jæja, alltaf gaman að fara á leikhús og öll voru þau frábær.
Hann Gói biskupssonur fór á kostum, meiri fjörkálfurinn sá. Ekki beint líkur pabba sínum?

Ekkert hefur þó náð að toppa Eddu Björgvins. og Gísla Rúnar í Sex í sveit.
Það er það fyndnasta sem ég hef séð á fjölum.
Daginn eftir var ég með hraðsperrur í öllu kviðarholinu

[Guðrún Fanney Einarsdóttir, 28.11.2008 kl. 14:34]

ég skal lofa þér skemmtun;) gat sjálf ekki hætt að hlæja;)