Reykjavíkurborg ætti að taka Akureyrarbæ til fyrirmyndar og bjóða upp á ókeypis heilsurækt

Hreyfing og útivist í kreppunni er yfirskrift verkefnis sem ýtt hefur verið úr vör á Akureyri. Akureyringum er boðið upp á ókeypis heilsurækt. Helstu íþróttamannvirki standa þeim opin part úr degi og boðið er upp á ýmis námskeið fólki að kostnaðarlausu.

Allir vita að árskort í líkamsrækt kostar talsverða peningar.  Ódýrasti kosturinn er hjá Nautilus, af því er ég kemst næst, en þar kostar árskortið með aðgang að sundlauginni innan við 30.000 á ári. Sambærilegt kort í Sporthúsinu er á rúmlega 50.000 og enn dýrara er kortið í Laugum.

Ég skora á ráðamenn Reykjavíkurborgar og annarra sveitarfélaga að skoða þennan möguleika fyrir sitt fólk.

Ekki þarf að fara mörgum orðum um hvað hreyfing af öllu tagi gerir fólki gott andlega sem líkamlega. Á þessum síðustu og verstu tímum er sannarlega ástæða til að skoða þennan kost.

Sveitarfélög víðsvegar um landið geta boðið upp á frían aðgang þótt ekki væri nema part úr degi án mikils tilkostnaðar.  Með því skapast möguleiki fyrir marga að nota fjölbreytta aðstöðu íþróttahúsanna þeim að kostnaðarlausu.

Athugasemdir

[Arnar Geir Kárason (IP-tala skráð) 15.1.2009 kl. 18:47]

Svo ég tali nú af minni reynslu við það að vera í t.d. Laugum að þá er oft svo troðið þar að það er á takmörkuðum tímum sem að maður nennir að fara þangað.

Þannig ef ég væri með líkamsrækt í bullandi bissness myndi ég ekki vilja sjá það að gera slíkann samning við opinberann aðila þar sem þetta gæti haft veruleg áhrif á viðskipti fyrirtækjana og jafnvel að menn segi upp þeim samningum sem fyrir eru þar sem þeir fá þá nú frítt.

En þá staði sem að borgin á væri þetta mjög góð hugmynd.  Sundlaugarnar, íþróttahúsin og fleira.