Rétt og eðlilegt að fella niður þingveislur og aðrar móttökur á vegum Alþingis.

Það hefði skotið skökku við hefðu árlegar þingveislur verið haldnar nú eins og áður þegar öldin var önnur ef svo má að orði komast.

Að halda svo kostnaðarsamar skemmtanir sem einungis eru ætlaðar ráðamönnum og mökum þeirra hefði sært siðferðiskennd fólksins í landinu sem margt hvert á nú í hinu mesta fjárhagslegu basli með tilheyrandi fylgifiskum.

Ég er ánægð með að þá ákvörðun að fella þessa árlegu viðburði niður í sparnaðarskyni. Ákvörðun um þetta var að tillögu forseta Alþingis en það er einmitt þingforseti sem stendur fyrir hefðbundnum móttökum á vegum Alþingis.

Athugasemdir

[Tiger, 1.2.2009 kl. 13:50]

Ég er algerlega sammála þér. Það er af hinu góða að skera niður þar sem óþarfa hlutir eru í gangi - líkt og veisluhöld og móttökur. Fé-austur er víða í hálfgerðan óþarfa og því mætti niðurskurðavöndurinn fara hratt og víða nú á krepputímum. Því fyrr sem stjórnvöld og þingheimur áttar sig á því að óþarfa bruðl á fé almennings er ekki vel séð - því betra..

[Högni Jóhann Sigurjónsson, 1.2.2009 kl. 13:51]

Sæl Kolbrún, ég er ekki sammála þér, árshátíð er ekki nausynlegt að hafa rándýra en nauðsynlegt samt og það á öllum vinnustöðum.

[Kolbrún Baldursdóttir, 1.2.2009 kl. 14:12]

Það er nú engin að tala um að fólk geti ekki hist og átta góða stund saman. Það í sjálfu sér kostar varla mikið.

[Hólmfríður Bjarnadóttir, 1.2.2009 kl. 18:30]

Við verðum öll að draga saman seglin, líka Alþingi.

[Högni Jóhann Sigurjónsson, 1.2.2009 kl. 22:50]

Jú við drögum saman seglin, en það er alveg hægt að halda árshátíð án þess að blása seglin mikið út, það mátti á milli vera hvort að árshátíðin er blásin af eða minakað umfang hennar.