Mál Birgis Páls sem dæmdur var í Færeyjum vegna aðildar að Pólstjörnumálinu stórfurðulegt

Ég var að hlusta á Kastljósið og þar á meðal á umfjöllun um mál Birgis Páls Marteinssonar einn af þeim sem komu við sögu í Pólstjörnumálinu. Saksóknarinn, Linda Margarete Hasselberg krafðist þess að Birgir Páll yrði dæmdur í 10 ára fangelsi.

Með Pólstjörnumálinu er átt við smyglið sem upp komst þegar skúta full af fíkniefnum var tekin á Fáskrúðsfirði. Skútunni var siglt hingað frá Danmörku en hún hafði viðkomu í Færeyjum þar sem Birgir Páll tók við tveim kílóum af amfetamíni frá skipverjum

Af umfjölluninni að dæma í Kastljósinu í kvöld virðist sem Birgir Páll, ungur drengur, hafi unnið það eitt til saka að vera  á röngum stað á röngum tíma.

Margt er mjög furðulegt í þessu máli en það er erfitt að fullyrða nokkuð eða álykta frekar um það, hafi maður ekki kynnt sér málið í hnotskurn.

Eitt virðist liggja skýrt fyrir og það er að Birgir Páll sat í óheyrilega langan tíma í einangrun.  Ef litið er til baka minnist maður þess ekki að hafa heyrt mikið fjallað um hlut Birgis sérstaklega nema í byrjun,  en síðan ekki svo mikið  fyrr en dómur féll yfir honum í Færeyjum.
Minnst var einnig á, á einhverjum tímapunkti, að lögmaður hans væri fremur atkvæðalítill.

Nú beinast sjónir manna að öllu ferlinu og sérstaklega hvernig þetta sneri að þessum unga manni.  

Ég vona í það minnsta að hægt verði að varpa frekara ljósi á t.d. aðkomu saksóknarans og eins ef það reynist rétt, eins og fram kom í Kastljósinu, að þetta hafi átt að vera eitthvað fordæmismál.

Hefði einhver, ríkisvaldi: stofnun að samtök hér á Íslandi, getað beitt meiri þrýstingi eða vakið athygli á stöðu þessa drengs mikið fyrr á tímabili einangrunarsetu hans?

Bara spyr?

 

Athugasemdir

[Ár & síð, 12.2.2009 kl. 21:34]

Geirfinnsmálsmeðferðin all over again, að þessu sinni í Færeyjum.
Matthías

[Jón Arnar, 13.2.2009 kl. 03:44]

Veit ekki finnst samt eftir að hafa streimað Kastljósið að ekki sé alveg orðið komið á hreint  hví hann ekki sem borgari innan EöS ekki fékk íslenskan lögfræðing í sín mál.  

Hvað átti það svo fyrir okkur sem heyrum hans version að þýða "það að segja að maður tæki við tösku sem maður ekki ætti að opna en grafa og geyma" er það ekki smá einföldun á raunverulegum glæp - hitt er annað mál guttinn á ekki að vera á hrauninu hann vill lifa betra lífi en þeir "flestir" sem eru þar, en held samt ekki að hann sé eins hreinn og var reynt að "fraima" í kastljósinu enda var ekkert þar á bæ sem sagði eitt eða neitt!  

[Ásdís Sigurðardóttir, 13.2.2009 kl. 14:00]

Þegar ég sá myndina af Matthías hélt ég augnablik að þarna færi Jóhannes í Bónus   en já, þetta er allt mjög sérstakt.

[Ólafur Th Skúlason, 13.2.2009 kl. 16:00]

allt er þetta hið furðulegasta mál hann tók þessa tösku og vissi hvað var í henni en furðulegast er þessi lánga einángrunn sem er pyndind

[Björn Birgisson, 13.2.2009 kl. 16:06]

Birgir Páll er bara eitt lítið peð í þessu máli. Stóra spurningin er þessi: Hver fjármagnaði þessa stórtæku smygltilraun? Kannski fínn jakkaklæddur maður í Reykjavík? Við hirðum alltaf peðin, en þeir stóru sleppa.

[Jón Ingi Kr. (IP-tala skráð) 17.2.2009 kl. 09:22]

Það má alveg færa rök fyrir því að Birgir Páll og félagar hans í Pólstjörnumálinu hafi verið lítil peð á skákborði einhverra hvítflibba, við vitum samt ekki neitt um það, kannski var þessi gjörningur bara þeirra eigin hugdetta. Það er samt alveg ljóst að félagar Birgirs Páls dvöldu hjá honum í Færeyjum í um 10 daga, og þeir voru örugglega ekki bara að borða nammi og drekka kók á meðan. Hann vissi nákvæmlega hvað félagar hans voru að gera í þessu skútuferðalagi og hvað var í bakpokanum sem hann var beðinn um að "geyma" það merkir einfaldlega að hann er samsekur, amk. sekur um að þegja yfir því að félagar hans voru að flytja geysi mikið magn fíkniefna til Íslands, þar sem þeir ætluðu að koma þeim á markað með ómældu tjóni íslenskra ungmenna, jafnvel dauða. Á þessum málum verður og skal alltaf taka af fullri ákveðni (hörku) sama hver á í hlut, líka okkar nánustu.