Fyrir hverja er Hrossaræktardeildin í Hólaskóla?

Ég heyrði því fleygt að íslendingar sem sóttu um í Hólaskóla ættu í harðri samkeppni við útlendinga, aðallega þjóðverja um að fá inngöngu í Hrossaræktardeildina. Kæmist ég á þing aftur myndi ég vilja spyrja landbúnaðarráðherra hver væri samsetning nemenda í þessari deild.
Annars er ég þeirrar skoðunar að bæði Landbúnaðarháskólinn og Hólaskóli ættu að tilheyra Menntamálaráðuneytinu eins og aðrir skólar landsins. Það væri bæði rökrétt og eðlilegt.

Athugasemdir

[Kolbrún Baldursdóttir, 20.2.2007 kl. 20:17]

Hólaskóli er örugglega góður það hef ég líka heyrt. Hvergi er hægt að fá meiri sérhæfingu í íslenska hestinum að sjálfsögðu.  Ég tel þó að Hólaskóli og LBHÍ ættu alveg eins heima undir Menntamálaráðuneytinu eins og aðrir skólar sem kenna sérhæft nám sem er í tengslum við atvinnuveginn. Landbúnaðarmálin eru í sjálfu sér ekkert sérhæfðari en t.d. tannlækningar og tölvunarfræði, greinar sem kenndar eru í skólum sem tilheyra Menntamálaráðuneyti. Ég vona bara að þegar valið er inn í skólann sé gætt að eðlilegu hlutfalli hvað varðar þjóðerni og svo auðvitað kynjahlutfalli.