14 mánaða biðlisti á Bugl

Ég er alveg miður mín eftir samtal við Bugl. Þar er nú ungur skjólstæðingur minn á biðlista og var mér tjáð að 14 mánaða bið væri eftir því að hann kæmist að og þá eru við ekki að tala um innlögn heldur bara viðtal hjá geðlækni. Tíminn vinnur ekki með þessu barni sem vegna kvíða getur ekki stundað skóla að heitið geti. Hvað eiga foreldrar að gera? Ef eitthvað er þá er þetta að versna því Miðstöð heilsuverndar barna átti að taka kúfinn af Bugl. Það hefur ekki gerst. Margir foreldrar leita að lokum til heimilislækna sinna því það er heldur ekki hægt að komast að hjá barnageðlækni á stofu.  Við vandann bætist að þjónusta sálfræðinga er ekki niðurgreidd af Tryggingarstofnun eins og viðtal hjá geðlæknum. Á meðan stéttum er mismunað með þessum hætti hafa margir ekki í nein hús að vernda. Ekki er hægt að komast að hjá geðlækni og sálfræðiþjónusta er bara fyrir þá efnameiri.

Athugasemdir

[Magnús Þór Jónsson, 26.2.2007 kl. 10:31]

Sæl Kolbrún.

Hef mikið reynt að fá í gang umræðu um stöðu barna og unglinga sem þurfa á þjónustu BUGL að halda.  Ég vona innilega að húsnæðisvandi BUGL verði eini vandinn, því miður hefur mér fundist ekki síður vandi liggja í því að erfitt sé að fá fagfólk til starfa.

Við þurfum klárlega að koma þessari umræðu í gang!

[Ásthildur Cesil Þórðardóttir, 26.2.2007 kl. 11:09]

Ég verð alltaf svo reið þegar ég sá forgangsröð stjórnvalda.  Það er eins og það sem er mest um vert gleymist.  Meira hugsað um glans og gyllingu.  Ég segi sama og Magnús Þór hér að ofan.  Var ekki verið að taka fyrstu skóflustungu um daginn.  Sú skóflustunga hefði mátt vera 10 árum fyrr á ferðinni.  Gangi þér vel vina mín.  Það er sárt að horfa upp á fólk sem maður ber fyrir brjósti, vera einhversstaðar afgangs stærð í okkar annars ríka þjóðfélagi.  Það er nefnilega pláss fyrir okkur öll.

[Jónína Ingibjörg (IP-tala skráð) 26.2.2007 kl. 12:04]

Hverjir hafa verið við stjórn undanfarin ár?

Hvað veldur því að ástandið er svona?

Halli frændi! Við ræðum þetta í næstu fermingarveislu :) 

[Steini Briem (IP-tala skráð) 26.2.2007 kl. 18:36]

Það er mikil skömm að þessu öllu saman!