Göng til Eyja, raunhæfur eða óraunhæfur möguleiki sem svo kostar hvað?

Það er afar erfitt á þessu stigi málsins að mynda sér einhverja vitræna skoðun á hvort göng til Eyja sé raunhæf og skynsöm framkvæmd eða jafnvel með öllu óraunhæfur kostur svo ekki sé minnst á hvað slíkt mannvirki kunni að kosta. Sjaldan hefur maður heyrt jafn ósamrýmanlegar skoðanir og álit á nokkru máli sem þessu. Fyrir liggur rannsóknarskýrsla sem og fjölmörg álit ólíkra sérfræðinga.
Sannfæring Árna Johnsen er jú öllum kunn. Þótt heill hópur vísindamanna munu færa rök fyrir gagnstæðri niðurstöðu mun það líklega ekki hafa nein áhrif á sannfæringu hans í þessu máli.

Eins virðist vera farið með Eyjamenn. Þá sem ég hef spurt um þetta mál eru annars vegar á sömu skoðun og Árni eða segja þetta vera hina mestu firru.

Best er líklega að hinkra við og sjá hverju fram vindur. Einn góðan veðurdag mun án efa liggja fyrir skotheldar niðurstöður um hvort þetta sé raunhæfur kostur eður ei og ef raunhæfur hvort kostnaðurinn sé nær 20 milljörðum eins og Árni telur að sé á bilinu 60-80 milljarðar eins og segir í umræddri skýrslu.

Athugasemdir

[yngvi (IP-tala skráð) 26.7.2007 kl. 13:52]

Það er alveg klárt í þessu máli, að göngin eru ein stór DELLA

[Guðmundur D. Haraldsson, 27.7.2007 kl. 00:38]

Eins virðist vera farið með Eyjamenn. Þá sem ég hef spurt um þetta mál eru annars vegar á sömu skoðun og Árni eða segja þetta vera hina mestu firru.

Æ, ég veit það ekki. Hefurðu séð áreiðanlega könnun um þetta?

[Haraldur Haraldsson, 29.7.2007 kl. 17:27]

Að mínu áliti er eins og er strax nýja og harðskeiðari Ferju ,ekki spurning/hún getur komið mjög fljótt,allt annað er margra ára vinna/Halli gamli

[Kolbrún Baldursdóttir, 30.7.2007 kl. 15:13]

Ég varð mjög ánægð að ráðherrann tók þá ákvörðun að blása frekari rannsóknir á gangnagerð til Eyja af og ýta málinu út af borðinu.

[Guðjón Sigþór Jensson, 31.7.2007 kl. 12:48]

Þessar hugmyndir Árna Johnsen um jarðgöng til Eyja eru vægast sagt mjög umdeildar. Hver er þörfin á löngum og rándýrum jarðgöngum þegar unnt er að fljúga á milli lands og Eyja á 5 mínútum og fara með skipi á hálftíma þegar Bakkafjöruhöfnin er orðin að raunveruleika?

Þegar eg kom fyrst til Vestmannaeyja fyrir réttum 40 árum undraðist eg alla þessa bíla sem þarna hafa lengi verið. Fólk fór almennt ekki milli húsa nema akandi. Sjálfur var eg vanur að fara ýmsit gangandi, hjólandi eða með strætisvagni lengri leiðir. Síðan hefur þetta ekki lagast. Stór ferja til þess að flytja bíla Eyjamanna fram og til baka milli lands og Eyja er mjö undarleg.

Spurning er hvort ekki væri ódýrara fyrir ríkið og íslenska skattborgara að reisa fyrir Árna Johnsen og aðra Eyjamenn skúra á Bakka þar sem þeir geta geymt hluta af ökutækjaflotanum! Með því að draga úr þörfinni að flytja bílana fram og aftur væri unnt að ná fram mikilli hagkvæmni.

Mosi alias