Ókeypis ráðgjöf vegna efnahagsástandsins

Hvöt, félag sjálfstæðiskvenna í Reykjavík stendur fyrir ókeypis ráðgjafarstofu á morgun, laugardag, að Skúlagötu 51.

Félagið hefur safnað saman fagaðilum og sérfræðingum úr sínum röðum sem eru tilbúnir til að leggja sitt af mörkum til að leiðbeina fólki vegna ástandsins sem skapast hefur. Sérfræðingar á sviði, velferðamála, almannatrygginga, skattamála, fjármála heimila og félagsmála verða á staðnum og taka á móti fólki sem vill nýta sér þessa þjónustu.

Pólskumælandi og enskumælandi einstaklingar verða á svæðinu. Aðgengi fyrir fatlaða.

Ráðgjafastofan verður opin frá kl. 10-17 að Skúlagötu 51 föstudaginn laugardaginn 6. desember og eru allir velkomnir.

Það er mikil þörf fyrir ráðgjöf sem þessa og sem dæmi er bið fram í janúar hjá Ráðgjafarstofu heimilanna.

Athugasemdir

[Sigurjón Þórðarson, 5.12.2008 kl. 17:08]

Mjög gott framtak en er ekki rétt að byrja á að bjóða ríkisstjórninni í víkingameðferð áður en dyrnar eru opnaðar fyrir okkur hinum?

[Kolbrún Baldursdóttir, 5.12.2008 kl. 17:26]

Við öll, ráðamenn og aðrir, getum nýtt okkur ráðgjöf nú á þessum tímum. Ekki er verra ef hún er fólki að kostnaðarlausu.

[Valsól (IP-tala skráð) 6.12.2008 kl. 01:55]

Jú jú, þetta er sjálfsagt gott framtak, en ég spyr bara ,,hver vill efnahagsráð frá meðlimum úr Sjálfstæðisflokknum?"

[Kolbrún Baldursdóttir, 6.12.2008 kl. 09:52]

Elsku Valsól mín, við erum öll fólk og í Sjálfstæðisflokknum eru þúsundir manna og kvenna, alls kyns fólk eins og gengur og gerist.

Ég er ein af þeim og tel mig ekki síðri manneskju þótt ég sé meðlimur í Sjálfstæðisflokknum.

Þeim hefur auk þess ekki fækkað sem leita til mín, nema síður sé.
Ég tel það engu breyta fyrir þorra manna, ef viðkomanda vantar aðstoð á annað borð, sálfræðilega eða annars konar,  þótt fagaðilinn sé skráður í Sjálfstæðisflokkinn.

[Carlos Ferrer (IP-tala skráð) 7.12.2008 kl. 12:36]

Ágætis tilboð frá Sjálfstæðiskonum. En er það rétt skilið að þetta er í boði í tvo daga eingöngu?

[Kolbrún Baldursdóttir, 7.12.2008 kl. 12:43]

Það átti að sjá til með það. Þetta var frumraun.

Nú virðist sem margir eru að verða uppteknir af jólaundirbúningi. Fyrir mitt leyti sé ég að mikil þörf gæti orðið fyrir þetta í febrúar og mars.

[Carlos Ferrer (IP-tala skráð) 7.12.2008 kl. 15:40]

Það held ég að sé rétt hjá þér, Kolbrún. Vonandi geta Sjálfstæðiskonur boðið upp á ráðgjöf með reglulegum takti. Ég hugsa að það hjálpi þeim sem sækja hjálpina en líka Sjálfstæðiskonum að átta sig á þörf fólks og hugsa nýjar hugsanir. Ekki veitir af, því að "same old" er dautt núna.