Er þetta rétt skilið?

Icesave.

Er það rétt skilið að aðallögfræðingur Seðlabankans hafi hringt í Árna Þór í gærkvöldi og sagt honum að álit Seðlabankans á Icesavesamningnum hafi verið hennar persónulega álit?

Þetta er sérkennilegt, ef rétt er, í ljósi þess að Seðlabankinn átti fulltrúa í Icesave- samninganefndinni. En best að hafa allan vara á hvað er rétt og satt í þessu máli sem öðru.

En þetta skýrist kannski allt betur á morgun.

Bannað að selja heimabakstur úr einkaeldhúsi

Bannað er að selja heimabakstur úr einkaeldhúsi nema um sé að ræða kökubasar.

Einnig er bannað að selja unnin matvæli nema þau komi úr viðurkenndu eldhúsi. Hvað felst í því að kallast viðurkennt eldhús er ég ekki alveg með á hraðbergi en sennilega þurfa að vera 2-3 vaskar og fleira í þeim dúr.

Hér held ég hljóti að mega gera einhverjar tilslakanir. Auðvitað þarf að vera einhverjar lágmarkskröfur en aðalatriðið hlýtur að vera að hægt sé að rekja vöruna.

Nú er knýjandi að einfalda reglugerðir sem lúta að þessum þáttum svo heimamarkaðir geti blómstrað hvort heldur í sveit eða borg. Fyrir marga hugmyndaríka og flínka í matargerð gæti hér verið um að ræða atvinnutækifæri. 

Smá úttekt er um þessi mál í Mogganum í dag á bls. 13.

Sláandi niðurstöður í rannsókn um ofbeldi gagnvart konum

Ofbeldi gagnvart konum er algengt samkvæmt nýrri rannsókn. Meðal niðurstaðna er að 18,2% af þeim konum sem tóku þátt í rannsókninni höfðu orðið fyrir andlegu ofbeldi af hálfu maka síns, 3,3% líkamlegu og 1,3% höfðu orðið fyrir kynferðislegu ofbeldi.

Fjórðungur kvenna orðið fyrir ofbeldi. (Frétt á mbl.is í dag).

Viðtal á ÍNN við Sigþrúði Guðmundsdóttur, framkvæmdarstýru Kvennaathvarfsins (28. maí. 2008) má sjá hér.

Áætlaðar endursýningar í sumar

Endursýningar á Í Nærveru sálar á ÍNN á mánudögum kl. 21.30 eru áætlaðar eftirfarandi:

6. júlí. Endursýndur þáttur frá  29.06.09.
SASA félagsskapur karla og kvenna sem hafa þá sameiginlegu reynslu að hafa orðið fyrir kynferðisofbeldi einhvern tímann á lífsleiðinni.
Viðmælandi er þolandi og segir frá starfsemi samtakanna.

13. júlí. Endursýndur þáttur rá 09.02.09.
Kynin og kynlíf, fyrri hluti.
Gestur: Ingibjörg Jóna Jónsdóttir, kynfræðingur.

20. júlí. Endursýndur þáttur frá 16.02.09.
Kynin og kynlíf, seinni hluti.
Gestur: Ingibjörg Jóna Jónsdóttir, kynfræðingur

27. júlí Endursýndur þátturinn frá 11.05. 09.
Einelti gerði mig næstum að fjöldamorðingja.
Frásögn ungs manns um hvernig langvinnt einelti hafði skaðlegar afleiðingar á hugsun hans og tilfinningar.

3. ágúst. Endursýndur þátturinn frá 18.05. 09.
Sérsveitarhugmyndin í einelti. Hugmyndin kynnt menntamálaráðherra , fulltrúa frá Menntasviði og formanni Félags Skólastjóra.  Selma Júlíusdóttir lýsir þrautagöngu aðstandanda.

10. ágúst. Endursýndur þátturinn frá 08.06.09.
Varðhundur borgarinnar.
Trausti Fannar Valsson, lektor í stjórnsýslurétti við HÍ upplýsir um hlutverk Umboðsmanns Alþingis og hvenær og hvernig almenningur getur leitað til embættisins.

17. ágúst. Endursýndur þátturinn frá 01.06.09.
Góð íþrótt er gulli betri. Karate er íþrótt  sem gæti átt við þig.
Sigríður Torfadóttir, Indriði Jónsson, Birkir Indriðason og  Kolbrún Baldursdóttir bregða sér í  búningana.

24. ágúst. Endursýndur þáttur frá 22. 06.09
Sjálfsvíg, stuðningur við aðstandendur.
Fjallað er um nýútkomna handbók fyrir aðstandendur.
Elín Ebba Gunnarsdóttir, Halldór Reynisson og Katrín Andrésdóttir.